Iqtisad, Räsmi xäbärlär

Röstäm Miñnexanov İslam üseş bankı prezidentı belän alğa taba xezmättäşlek turında söyläşte

TR Prezidentı süzlärençä, Tatarstan häm İslam üseş bankınıñ yaxşı eşlekle elemtäläre bar

 (Qazan, 27 may, «Tatar-inform»). Bügen Tatarstan Prezidentı Röstäm Miñnexanov Qazan ratuşasında, "Rossiä - islam dönyası" strategik küzallaw törkemeneñ plenar utırışı başlanır aldınnan, İslam üseş bankı prezidentı doktor Äxmät Möxämmät Ali belän oçraştı.

Röstäm Miñnexanov Äxmät Möxämmät Ali äfändegä İslam üseş bankınıñ "Rossiä - islam dönyası" strategik küzallaw törkeme belän mönäsäbätlärne nığıtuğa yärdäme öçen räxmät belderde. TR Prezidentı süzlärençä, Tatarstan häm İslam üseş bankınıñ yaxşı eşlekle elemtäläre bar.

Yaqlar alğa taba üzara añlaşu häm ışanıçqa nigezlängän xezmättäşlek mäs'äläläre turında söyläşte, şulay uq Rossiäneñ möselman däwlätläre belän yaqınayuğa qızıqsınu belderüen rasladı, dip xäbär itä TR Prezidentı matbuğat xezmäte.

İskärtäbez: bügen "Rossiä - islam dönyası" strategik küzallaw törkemeneñ plenar utırışı qısalarında "Tatfondbank" ĞAC belän İslam üseş bankı, şulay uq Rossiä Saqlıq bankı belän İslam üseş bankı arasında üzara añlaşu turında memorandum imzalaw niätlängän.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши