Cämğiät

Sergey Narışkin: “Mädäniätlär häm dinnär dialoğın cayğa salunıñ bötendönya protsessına Rossiä täcribäse kiräk”

RF Däwlät Duması räiseneñ “Rossiä-islam dönyası” strategik küzallaw törkeme utırışında qatnaşuçılarğa möräcäğäte uqıldı

 (Qazan, 27 may, “Tatar-inform”). Mädäniätlär häm dinnär dialoğın cayğa salunıñ bötendönya protsessına Rossiä täcribäse kiräk. Bu xaqta bügen Qazan ratuşasında RF Däwlät Duması räise Sergey Narışkinnıñ “Rossiä-islam dönyası” strategik küzallaw törkemeneñ plenar utırışında qatnaşuçılarğa yullanğan sälämläwendä bilgeläp ütelde. Utırış törkem räise, Tatarstan Prezidentı Röstäm Miñnexanov qatnaşında uzdı.

Sälämläwdä äytelgänçä, Sergey Narışkin utırışta qatnaşuçılarnıñ täqdimnäre praktikada qullanılaçağına ışanıçın belderä. “Ğlobal' üseş, mädäniätlär häm dinnär dialoğı problemaları, iqtisad häm qurqınıçsızlıq, säyäsi häm gumanitar ölkälärdä ğomumi qarşılıqlarnı bergäläp ciñü alımnarı konstruktiv xalıqara fiker alışuğa moxtac. Bu nisbättän ekspertlar häm Rossiä kebek küp millätle häm küp konfessiäle illärneñ täcribäsen öyränü möhim”, - dielä sälämläw telegrammasında. Sergey Narışkin “Rossiä-İslam dönyası” strategik küzallaw törkemeneñ kiläçäge ömetle buluına, ä anda qatnaşuçılarnıñ täqdimnäre praktikada qullanılaçağına ışanıçın citkerde.

“İlebezneñ iñ borınğı häm matur şähärläreneñ berse bulğan Qazannıñ uñay xis-kiçereşlär uyatuın häm näticäle diskussiälär telim”, - dip tämamlana Däwlät Duması Räise telegramması.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши