Cämğiät

Mitropolit Feofan: “İslamğa, terrorizmnan qala, berni dä zur zıyan kiterä almıy”

Tatarstan mitropoliäse başlığı “Rossiä-islam dönyası” strategik qaraş törkeme utırışında qatnaştı

 (Qazan, 27 may, «Tatar-inform», Nadejda Ğordeyeva). “Rossiä-islam dönyası” strategik qaraş törkeme Rossiä belän islam dönyasın totaştıruda küper bulıp tora. Bu xaqta bügen Qazan ratuşasında törkem utırışında Qazan häm Tatarstan mitropolitı Feofan belderde.

Arxierey Yaqın Könçığıştağı ekstremizm küreneşläre turında söylägändä, 20-30 yıl elek xäzerge kebek xällär kilep çığuğa nigez yuq ide, dip bilgeläp ütte. “Äydäp baruçı illärneñ qayber liderları bar ölkädä dä üz tärtiplären urnaştırırğa tieş dip sanawları - zur problema, - dide ul. – Yaña tärtip cämğiättä citdi qarşılıqlarğa kiterä”.

Mitropolit Feofan TR Däwlät Kiñäşçese Mintimer Şäymievqa SSSR tarqalğanda ul Tatarstanda tatulıqnı häm tınıçlıqnı saqlap qaludan tış, respublikanı törle ölkälärdän aldınğı pozitsiälärgä çığara alğanı öçen räxmät süzlären citkerde. “Çit illärgä säfär qılğanda, Tatarstanğa xristiannarnıñ häm möselmannarnıñ dus-tatu yäşäwlären qararğa çaqıram”, - dide ul.

Mitropolit süzlärençä, Tatarstanda törle din wäkilläre arasında tatulıq häm kileşüne Bolğar islam akademiäse belän bergä Qazan Märäm Ana ikonası soborın torğızu isbatlıy.

“Ekstremizm kebek küreneşneñ yöze yuq. İslamğa, terrorizmnan qala, berni dä zur zıyan kiterä almıy, - dide Qazan häm Tatarstan mitrpolitı.- Yaña liberalizm meñ yıllar däwamında buldırılğan qimmätlärne qısrıqlap çığarırğa tırışa, keşe könküreşeneñ yaña modelen köçläp taqmaqçı. Bu bezneñ öçen qabul itärlek närsä tügel”, - dip assızıqladı ul.

Mitropolit Feofan fikerençä, Tatarstan ürnäk kenä tügel, ä tınıçlıq häm tatulıqnı urnaştıru, nindi din totuğa qaramastan ber-bereñä xörmät belän qaraw buyınça model bulıp tora, dinne, telne häm keşe mönäsäbätlären saqlarğa öndi.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши