Din

Ekstremizm çığanağı dini belem bulmawdan kilep çığa – Rossiä möftilär şurası räiseneñ berençe urınbasarı

Ruşan xäzrät Abbäsov “Rossiä-islam dönyası” strategik qaraş törkeme utırışında qatnaştı

 (Qazan, 27 may, «Tatar-inform», Nadejda Ğordeyeva). Rossiä möftilär şurası häm RF möselmannarı Diniä näzaräte räiseneñ berençe urınbasarı Ruşan xäzrät Abbäsov bügen islam dönyasınıñ tege yäki bu öleşendä kilep çıqqan fetnä taralmasın, dide. Ul bu xaqta Qazan ratuşasında “Rossiä-islam dönyası” strategik qaraş törkeme utırışında äytte.
“Ekstremizm çığanağı dini belem bulmawdan kilep çığa”, - dip sanıy ul.
Ruşan xäzrät Abbäsov fikerençä, tınıçlıqnıñ asılı törle töbäklär häm törle dini mäktäplär möselmannarı arasında totrıqlı elemtäne cayğa salu bula ala.
“Üz grajdanlıq wazifasın añlap häm xalıq yäki “ruxi” diplomatiädä aktiv qatnaşuçılar, bezneñ dindäşlär xalıqara arenada üz illäreneñ imidjın, Rossiä belän islam dönyası arasında elemtälärne nığıtuda zur öleş kertälär.
Rossiä möftilär şurası räiseneñ berençe urınbasarı Qıtay möselmannarı belän mönäsäbätlär üseşen ayıruça bilgeläp ütte, ayırım alğanda, Qıtay islam assotsiatsiäse belän. “2008 yıldan başlap dini ölkädä näticäle xezmättäşlek alıp barıla, - dip bäyän itte ul. – Berniçä kön elek assotsiatsiäneñ vitse-prezidentı citäkçelegendä Qıtay möselmannarı delegatsiäse Rossiädä cawap vizitı belän buldı”.
Ruşan xäzrät Abbäsov söylägänçä, vizit näticäläre buyınça urtaq proyektlarnı çınğa aşıru turında qarar qabul itelgän, “Rossiä belän Qıtay möselmannarın ğına tügel, ä Üzäk Aziä däwlätläreneken dä berläşterü turında süz barğan”. Anıñ süzlärençä, radikal'läşü häm ekstremizmğa qarşı toru mäs'älälärenä, yäşlärne traditsion qimmätlär ruxı belän tärbiäläw, tolerantlıq, tatulıq h.b. bağışlanğan xalıqara konferentsiäse ütkärü initsiativası belderelde.
“Bu ideyäne Qıtay xäkimiäte xuplap aldı, cäy Üremçe şähärendä konferentsiä uzaçaq. Kiläçäktä mondıy forumnarnı häm konferentsiälärne Mäskäwdä ütkärü planlaştırıla, şulay uq Üzäk Aziä respublikalar başqalalarında da”, - dide ul.
Şulay uq yaqın arada Rossiä islam vuzları rektorları Marokqoğa häm Malayziägä säfär qılu buyınça söyläşülär alıp barıla.
“Näq menä Rossiädä küpğasırlıq tsivilizatsiä, ışanıç, häm millätlär balansı, törki-qawqaz-slavän elemtäläre belän Yevraziä täcribäse, pravoslavie häm islam, dönyäwi gumanizmnıñ fänni häm belem birü traditsiäläre urnaştı. Bezneñ üzençälekle eş öçen, näq menä şul nigez bulıp tora”, - dip tämamladı çığışın Ruşan xäzrät.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши