Millättäş

Astanada Musa Cälil isemendäge berençe ädäbi konkursta ciñüçelärne atadılar

Anda Astananıñ 8dän 29 yäşkäçä bulğan yäş avtorlar çaqırıldı

(Qazan, 28 may, «Tatar-inform»). Astanada Musa Cälil isemendäge berençe ädäbi konkursında ciñüçelärne büläkläw tantanası buldı. 

Rossiä fän häm mädäniät üzägendä ütkän tantanalı çarada başqala intelligentsiäse, etnomädäni oyışmaları wäkilläre häm yäş avtorlar cıyılğan ide. Anı "Duslıq" tatar mäğärif mädäni üzäge Tatarstan Respublikasınıñ Qazaqstan Respublikasındağı Tulı wäqäätle wäkillege häm Bäysez Däwlätlär Berdämlege, çit illärdä yäşäwçe watandaşlar häm xalıqara gumanitar xezmättäşlek buyınça federal' xezmätneñ Qazaqstandağı wäkillege yärdämendä oyıştırğan. 

Konkursta Astananıñ 8dän 29 yäşkäçä bulğan yäş avtorları qatnaştı. Ul Sovetlar Soyuzı Geroyı, şağir Musa Cälilneñ tuuına 110 yıl tuluğa bağışlanğan çaralar tsiklı qısalarında ütkärelde. Bäyge şağirneñ tuğan köne - 15 fevral'dä başlanğan, eşlär 30 aprelgä qädär qabul itelgän. 

Konkurs eşlären Qazaqstan, Tatarstan häm Azerbaycan Yazuçılar berlege äğzası Täwfıyq Kärimov, Qazaqstan Jurnalistlar berlege äğzası, Qazaqstan tatarları häm başqortları assotsiatsiäse mediaüzäge citäkçese Rinat Dusumov, "Kazinform" xalıqara mäğlümat agentlığı möxärrire Gölmirä Bayzakova, ädäbi portal möxärrire Nailä Ğälieva häm balalar yazuçı Dana Cantimerova bäyäläde, dip xäbär itä "Duslıq" tatar mäğärif mädäni üzäge matbuğat xezmäte.

 

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши