Iqtisad, Cämğiät

Röstäm Miñnexanov munitsipalitet başlıqların belemgä omtılışları bulmağan öçen tänqitläde

Respublikanıñ qayber rayonnarı eşmäkärlärne uqıtu buyınça "Biznes-klass" buşlay programmada qatnaşmağan

 (Qazan, 30 may, «Tatar-inform», Arseniy Mawrin). Rossiä Saqlıq bankı häm Google kompaniäsennän «Biznes-klass» unikal' programması buyınça buşlay uquğa 7361 eşmäkär terkälgän. Alarnıñ meñnän artığı - respublikadan çittä yäşäwçelär. Ä menä Tatarstannıñ üzendä qayber rayonnar buşlay belem alu mömkinlegennän faydalanırğa telämägän.

Bu xaqta Tatarstan Prezidentı Röstäm Miñnexanovka TR Xökümäte yortında uvideokonferentsiä rejimında uzğan kiñäşmädä RF Saqlıq bankınıñ "Tatarstan bankı" bülege idäräçese Ruşan Säxbiev söyläde.

Kurs eşmäkärlär öçen buşlay üseş programmasınnan ğibarät, ul massaküläm belem birü çaraları häm programma belgeçlärennän şäxsi konsultatsiälärne üz eçenä alğan 6 modul'dän tora. "Asılda, bu eşen başlap kilüçe keşegä kiräk bulğan belemneñ tulı spektrı", - dip añlattı Ruşan Säxbiev.

"Xäzer 2356 keşe yäki terkälüçelärneñ 32 protsentı uquğa kereşte", - dide ul. Şul waqıtta ekranğa slaydlar çığarıldı, anda qayber rayonnarnıñ terkälü häm eşmäkärlärne uqıtu buyınça kürsätkeçläre nul' ide. Bu respublika Prezidentınıñ açuın quzğattı.

"Xörmätle başlıqlar! Bu - sezneñ keşelär. İñ zamança, aldınğı maxsus programma täqdim itelgän. Buşlay! Ni öçen sez şöğellänmisez? Keşelärne uqıtırğa kiräk. Bez şundıy programmanı tormışqa aşıruları turında kileştek. Buşlay ikän beräwgä dä kiräkmi bulıp çığamı? Menä siña eşmäkärlek! Bezneñ üzebezgä dä öyräner äyberlär şaqtıy äle. Keşelärne dä öyrätergä kiräk", - dip möräcäğät itte Röstäm Miñnexanov rayon başlıqlarına.

"Ul çaqta här rayon belän ayırım eşlärgä - uqunıñ niçek uzuı belän qızıqsınırğa turı kiläçäk. Waqıt bar äle", - dip bilgeläp ütte Tatarstan liderı.

"Ä menä bügenge eşmäkärlekneñ qorılışı turındağı kiräkle belem alu mömkinlegen quldan ıçqındırırğa yaramıy", - dip östäde ul.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши