Iqtisad, Räsmi xäbärlär

Faydalı qazılmalar çığaru tarmaqları belän bäyle bulmağan salım bazası üseşe öçen töbäklärne qızıqsındırırğa kiräk – TR Prezidentı

Röstäm Miñnexanov Federatsiä Sovetı qarşındağı Fänni-ekspertiza sovetınıñ federalizm nigezlärenä bağışlanğan utırışında qatnaştı

 (Qazan, 30 may, «Tatar-inform»). Tatarstan Prezidentı Röstäm Miñnexanov bügen Federatsiä Sovetı qarşındağı Fänni-ekspertiza sovetınıñ “Federalizmnıñ iqtisadi, büdjet-finans häm salım nigezläre” temasına bağışlanğan utırışında qatnaştı.

Mäskäwdä uzğan çarada Rossiä töbäkläre wäkilläre, şul isäptän Başqortstan Respublikası, Tambov ölkäse, Stawropol' krayı h.b. töbäklärdän, qatnaştı, dip xäbär itä TR Prezidentı matbuğat xezmäte.

Utırışta qatnaşuçılar federativ mönäsäbätlär ölkäsendä aktual' mäs'älälär buyınça fiker alıştılar.

Real' federalizm töbäklärneñ barlıq grajdannarğa sıyfatlı yäşäw standartların tä'min itü mömkinlekläre buluın küzallıy, dide utırışta FS Räise Valentina Matwienko.

“Mondıy standartqa ireşü maqsat itep quyılırğa tieş, ä standart – däwlät säyäsäten çınğa aşıru mexanizmı. Bu xalıqnıñ kereme, belem birü sıyfatı häm anı alu mömkinlege, meditsina uçrejdenieläre buldıru digän süz. İminlek standartına ekologiä häm mädäni moxit tä kerergä tieş”, - dide ul.

"İqtisadnı häm sotsial' ölkäne reformalaw buyınça täqdimnär äzerlänäçäk häm däwlät başlığına täqdim iteläçäk, - dip assızıqladı FS spikerı. - Bez yaña däräcädä däwlät töbäk säyäsäte kiräk digän näticägä kildek”, -dide Matwienko.

Anıñ süzlärençä, ildä ozaq waqıt töbäklärne tigezläw säyäsäte bardı, ul büdjet aqçaların yañadan bilgeläwdän ğibarät ide, ämma küp kenä instrumentlar näticäle bulmadı.

Utırışta Tatarstan Prezidentı Röstäm Miñnexanov bilgeläp ütkänçä, subyektlarğa bäyä häm stimul birü buyınça bügenge sistema qatlawlı küp basqıçlı xarakterda häm salım bazasın kiñäytü buyınça töbäklärneñ tırışlığın çağıldırmıy. Ul bügen fiker alışu barğan mäs'älälär büdjetara mönäsäbätlärne üsterü häm kamilläşterügä uñay yoğınt yasayaçağına ışanuın belderde.

TR Prezidentı fikerençä, töbäklärne federal' büdjettan faydalı qazılmalar çığaru tarmaqları belän bäyle bulmağan salım bazasın kiñäytü xisabına stimullaştıru aktual' kürenä. Bu Rossiä subyektları eşçänlegen citeşterü yegärleklären üsterü, xezmät citeşterüçänlegen arttıru, investitsiälär cälep itüdä sizelerlek stimullaştıru mömkinlege birer ide.

Fotosurät prav.tatarstan.ru saytınnan alındı.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши