Iqtisad

Färit Möxämmätşin parlament utırışında respublikada buşlay häm tüläwle meditsina xezmätläre nisbäten bäyälärgä kiräklege mäs'äläsen kütärde

"2015 yılğı Tatarstan Respublikası Territorial' mäcbüri meditsina iminiäte fondı büdjetı ütäleşe turında”ğı TR zakonı proyektı öç uqılışta qabul iteld

 
(Qazan, 31 may, “Tatar-inform”, Gölnar Ğärifullina). Bügen 5 nçe çaqırılış TR Däwlät Sovetınıñ 18 nçe utırışında “2015 yılğı Tatarstan Respublikası Territorial' mäcbüri meditsina iminiäte fondı büdjetı ütäleşe turında”ğı Tatarstan Respublikası zakonı proyektı qaraldı. Anı deputatlar iğtibarına “Territorial' mäcbüri meditsina iminiäte fondı” uçrejdeniese direktorı Alsu Miftaxova täqdim itte. Şulay uq doklad belän parlamentnıñ büdjet, salımnar häm finans komitetı räise urınbasarı İldus Qasıymov çığış yasadı.

2015 yılğı Tatarstan Respublikası Territorial' mäcbüri meditsina iminiäte fondı büdjetı ütäleşe turındağı xisap, keremnär buyınça 38 mlrd 814 mln 490,9 meñ sum häm çığımnar buyınça 39 mlrd 21 mln 747,2 meñ sum külämendä, çığımnarnıñ keremnärdän artıp kitkän külämen (fond büdjetı qıtlığı) 207 mln 256,3 meñ sum itep raslawnı küzdä tota.

Alsu Miftaxova süzlärenä qarağanda, uzğan yılda dispanserizatsiä näticäläre tulısınça sälämät grajdannar sanı 10 protsentqa diärlek kimegänen kürsätä. Şulay uq, ul soraştırular näticäläre buyınça, tatarstanlılarnıñ 50 protsentı kürsätelä torğan xezmätlärdän qänäğät bulmawın bilgeläp uzğan. Mondıy qänäğätsezlek ayıruça sırxawxanälärdä eş tärtibe oyıştırılışı belän bäyle.

Färit Möxämmätşin, buşlay häm tüläwle meditsina xezmätlären kürsätüdä bulğan proportsiälär turında fiker alışırğa kiräk, dip sanıy. “Dimäk, bez büdjet, salım tüläwçelär xisabına qıybatlı cihazlar, caylanmalar satıp alıp, annan soñ alarnı tüläwle xezmätlär öçen dä eşkä cigäbez digän süz. Bezneñ ildä Konstitutsiä nigezendä meditsina - buşlay, ä tüläwle xezmätlär küläme arta baruı xalıqta borçu tudıra”, - dip problemalı mäs'äläne kütärde parlament başlığı.

Zakon proyektı beryulı öç uqılışta qabul itelde.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши