Cämğiät

2015 nçe yılda respublikanıñ köndäşlekkä sälätlelegen saqlap qala aldıq – Färit Möxämmätşin

Parlament başlığı fikerençä, respublika iqtisadı şuşı qatlawlı şartlarğa yaraqlaştırıldı

 (Qazan, 31 may, “Tatar-inform”, Gölnar Ğärifullina). 2015 nçe yılda barlıq qatlawlıqlarğa qaramastan, başqarma xäkimiät häm Tatarstan Xökümäte eşçänlege deputatlar tarafınnan uñay bäyälämä aldı. Bu xaqta bügen TR Däwlät Sovetı utırışınnan soñ jurnalistlarğa TR Däwlät Sovetı Räise Färit Möxämmätşin belderde.

Parlament başlığı büdjetqa kertemnär külämen saqlap qaluğa, Tatarstannıñ tulayım produktı külämen kimetmiçä, 100 protsenttan kimetmäwgä ireşelgänen bilgeläp uzdı. Färit Möxämmätşin respublikada yaña predprätielär barlıqqa kilgänen dä äytep ütte. “İñ möhime – 2015 nçe yılda Däwlät Sovetı tarafınnan raslanğan barlıq sotsial' programmalar uñışlı xäl itelde”, - dip belderde ul.

Parlament citäkçese äytüençä, respublika iqtisadına kertelgän investitsiälärgä kilgändä, alarnıñ küläme çağıştırmaça naçar tügel. “Texnologiälär buyınça çikläwlär, sanktsiälär bulsa da, bez 2015 nçe yılda respublikanıñ köndäşlekkä sälätlelegen saqlap qala aldıq. Minemçä, bu bik möhim, - dip, Färit Möxämmätşin 2016 nçı yılda da mondıy awırlıqlar buluın şärexläde. – Rossiä iqtisadında bulğan qarşılıqlarğa qarşı tora alu öçen, bez iqtisadıbıznı şuşı şartlarğa yaraqlaştıra aldıq”.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши