Räsmi xäbärlär

F. Möxämmätşin elekkege citäkçelärgä däwlät ğarantiälären birü tärtiben qatğıylandıru zakonı turında: “Minemçä, bu döres qaraş”

Sessiä utırışında parlamentariylar respublikanıñ elekkege citäkçelärenä däwlät ğarantiälären birü tärtiben qatğıylandırdı

 (Qazan, 31 may, “Tatar-inform”, Gölnar Ğärifullina). Bügen parlament utırışında TR Däwlät Sovetı deputatı statusı häm respublikanıñ däwlät wazifaları turındağı respublika zakonnarına üzgäreşlär kertü turındağı zakon proyektı berençe uqılışta qabul itelde. Ul elegräk respublikanıñ berençe zatları wazifalarında eşlägän şäxeslärgä däwlät ğarantiälären birü tärtiben qatğıylandırunı küzdä tota. Süz TR Prezidentı, Däwlät Sovetı Räise häm Premyer-ministr wazifaları turında bara.

Zakon proyektı nigezendä, “TR Däwlät Sovetı deputatı statusı turında” respublika zakonınıñ 19 nçı maddäsenä häm “TR däwlät wazifaları turında” respublika zakonınıñ 13, 13.1 maddälärenä üzgäreşlär kertelü qaralğan. Däwlät ğarantiäläre belän tä'minat tärtibe RF FC Däwlät Duması tarafınnan üzgärtelgän, bu nisbättän, respublika zakonın federal' dokumentqa täñgälläşterü zarur. Şunı da bilgeläp uzu zarur: zakon proyektında qaralğança, östämä ğarantiälär, wäqälätlärennän ğäyeple bulıp azat itelgän, şul isäptän RF zakonı qısalarında üz wazifaların tieşençä ütämägän häm tıyularğa, çikläwlärgä buysınmağan citäkçelärgä birelmäyäçäk.

TR Däwlät Sovetı Räisne Färit Möxämmätşin jurnalistlarğa şärexläp ütkänçä, yaña zakon proyektı qabul itelü belän, däwlät ğarantiäläre barı tik pensiä yäşenä citkäç kenä bireläçäk. “Minemçä, bu döres qaraş. Bezneñ bu mäs'älädä bernindi problemalarıbız yuq, xalıq monı xuplıy. Ayıruça küp yıllar däwamında respublika belän bik awır çorda idärä itkän Tatarstannıñ berençe Prezidentı Mintimer Şäymievne alsaq, älbättä, anıñ sotsial' yaqlaw belän tä'minatı möhim. Minemçä, mondıy çikläw ğädel, çönki eşläwçe ğäyeple bulıp, eşenä tap töşerep kitmäsä, aña, hiçşiksez, respublika üseşenä kertkän öleşe öçen däwlät tarafınnan yärdäm bulırğa tieş”, - dip fikere belän urtaqlaştı parlament başlığı.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши