Mädäniyät

Kompozitor Rezeda Axiärovanıñ bügen yübileye

Ul Başqortstan Respublikasınıñ İleş rayonı Yuğarı Yärkäy awılında tuğan

 (Qazan, 1 iyün, “Tatar-inform,”). Zamanabıznıñ kürenekle kompozitorı, TRnıñ, RFnıñ atqazanğan sänğät eşleklese, Tatarstannıñ xalıq artistı, Ğ. Tuqay isemendäge däwlät büläge iäse Rezeda Axiärova bügen üzeneñ 60 yäşlek yübileyen bilgeläp ütä.
Rezeda Zäki qızı Axiärova 1956 yılnıñ 1 iyünendä Başqortstan Respublikasınıñ İleş rayonı Yuğarı Yärkäy awılında tuğan.

Muzıka buyınça başlanğıç belemne Qazannıñ 7 nçe balalar muzıka mäktäbendä skripka sıynıfında alğan. 7 yäşennän L.İ.Blinov sıynıfında kompozitsiä buyınça da uqığan. Muzıka uçilişçesın, Qazan däwlät konservatoriäsen tämamlağan.

Rezeda Axiärova − tatar muzıka sänğäten yaña tösmerlärgä bayıtqan, küptörle janrlarda berdäy uñış belän eşläwçe kompozitorlardan berse. Vokal, simfoniä, teatr, kino öçen muzıka törlärendä daimi eşçänlek alıp bara. Anıñ äsärlärenä ışandıru köçe, emotsional'lek, lirika, romantika, gumanlılıq, tabiğilıq xas. R. Axiärova icat itkän köylär Mäskäw, Sankt-Peterburğ kebek zur qalalarda, İdel buyı, Ural şähärlärendä häm çit illärdä − Amerikada, Almaniädä, Avstriädä yañğırıy.

Ul 100 dän artıq romans häm Xäsän Tufan, Robert Miñnullin, İldar Yüzeyev, Razil Wäliev, Renat Xaris, Änğam Atnabayev süzlärenä yazılğan 200 dän artıq cır, drama spektakl'läre öçen yazılğan köylär avtorı. Şulay uq, Ğabdulla Tuqaynıñ eçke dönyasın açıp birgän “Şağirneñ mäxäbbäte” operası (Renat Xaris librettosı), İlgiz Zäyniev pyesası buyınça “Bäbi” müziklı, “Tuqay" kinofilmına, “Altın Urda” baletına muzıka icat itkän şäxes.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши