Cämğiät

Tatarstanlılarğa Törkiä häm Misır urınına TR buyınça avtosäfär häm şifaxanälärdä yal täqdim itälär

Respublikada yäşäwçelärgä eçke turizm öçen zur mömkinleklär tudırıla

 (Qazan, 1 iyün, «Tatar-inform», Kristina İvanova). Bügen “Tatar-inform” mäğlümat agentlığında Qazanda zur kruiz bäyrämenä bağışlanğan matbuğat konferentsiäsendä Tatarstan Respublikasınıñ Turizm buyınça däwlät komitetı räise Sergey İvanov bıyıl respublikada yäşäwçelär öçen oyıştırıla torğan yal turında söyläde.
Spiker süzlärençä, çit illär yünäleşläre çiklänü häm rossiälelärneñ Qara diñgezgä küpläp baruı belän bäyle räweştä, eçke turizm üseşe, şul isäptä yılğa kruizları populärlığı artuı kötelä.
S.İvanov bilgeläp ütkänçä, Tatarstan territoriäsendä turistlarnıñ ozaqqaraq qaluı küzätelä. Elek bu san 3-4 kön bulsa, xäzer turistlar 6 köngä qädärge marşrutlarnı saylıy, Qazannan tış, Alabuğa, Çistay, Bolğar,Zöyä häm Täteştä dä bulalar.
“Bez şulay uq Tatarstan şifaxanäläre täqdimnärenä dä iğtibar biräbez. Ägär turistlar kön sayın däwalaw protseduralarına yörergä telämi ikän, alar tabiğät belän xozurlana häm yal itä ala”, - dip assızıqladı komitet başlığı.
Monnan tış, Tatarstan buyınça 3-6 kön däwamında avtosäfär qılırğa täqdim itelä.
Spiker süzlärençä, tatarstanlılar il eçendä aktiv säyäxät itä başladı, Mäskäw, Sankt-Peterburğ häm Altın bocradan tış, könçığış yünäleşlärgä östenlek birelä. Bayqal, Altay häm Perm kraylarına, kürşe töbäklärgä dä turlar aktiv satıla.
Monnan tış, tatarstanlılarğa traditsion populär yal itü urınnarı Misır häm Törkiägä alternativa ezlärgä turı kilä. Şunı belän bäyle räweştä, Ğretsiä, İspaniä, Qıbrısqa satılğan yullamalar sanı artuı küzätelä.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши