Mädäniyät

Mäskäwneñ Qızıl mäydanındğı kitap festivalenä Tatarstan näşriäte da bara

Alar anda 3 teldä kitap täqdim itäçäk

 (Qazan, 1 iyün, “Tatar-inform”). 3-6 iyündä Mäskäwneñ Qızıl mäydanında «Krasnaya ploşçad'» kitap festivale uzdırıla. Bıyıl ul Rus tele könenä häm Puşkinnıñ tuuına 217 yıl tuluğa bağışlana. Festival'dä Rossiäneñ 400läp kitap näşriäte qatnaşa. Alar arasında Mäskäw häm Sankt-Peterburğnıñ ere kompaniäläre belän berrättän, 80 regional' näşriät ta bar. Tatarstan kitap näşriäte stendında tatar, rus, ingliz tellärendä çıqqan 300dän artıq kitap täqdim iteläçäk. Alar arasında matur ädäbiät äsärläre dä, balalar ädäbiäte da, uqu yärdämlekläre, süzleklär, büläk häm suvenir basmalar, albomnar da bar. Geroy-şağir Musa Cälilneñ tuuına 110 yıl tuluğa bağışlap, Tatarstan kitap näşriäte "Musa Cälil. Mäñgegä xäterdä" digän çara äzerli. Şağirneñ ike teldä dönya kürgän "Moabit däftärläre" kitabın täqdim itü kiçäsendä Musa Cälilneñ qızı – Çulpan Cälilova da qatnaşaçaq, dip “Tatar-inform”ğa xäbär itte älege näşriätneñ baş möxärrire urınbasarı Wenera Abbäsova.

Anıñ süzlärençä, uzğan yıl belän çağıştırğanda, festival'neñ programması küzgä kürenep bayığan – qatnaşuçılar da, kitaplar da, waqiğalar da kübräk bulır dip kötelä. Şuşı dürt köndä ilneñ töp mäydanı Rossiäneñ böten yazuçıların, näşriätlärın häm uquçıların berläşteräçäk.

Kitap festivale qunaqlarınıñ küñelenä xuş kilerdäy, teläsä nindi zäwıqnı qänäğätländererdäy kitaplar bulaçaq: antikvar, büläk kitaplardan alıp, kiñ qatlaw uquçılar öçen çığarılğannarına, elektron kitaplarğa qädär alırğa mömkin. Qızıl mäydannıñ härkem öçen açıq. Anda kitaplarnı 25 protsent taşlama belän satıp alırğa mömkin, çönki näşriätlär festival'dä buşlay qatnaşa.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши