Sport

Möxämmätşin UNİKS komandasın Yevroligağa çığuı belän qotladı

Bu klub kollektivınıñ köndälek, tırış xezmät näticäse, - dide TR Däwlät Sovetı citäkçese

 (Qazan, 1 iyün, «Tatar-inform»). TR Däwlät Sovetı Räise, TR Woleybol federatsiäse prezidentı Färit Möxämmätşin Qazannıñ UNİKS basketbol komandası citäkçelegen WTB Berdäm liga finalına çığuı häm Yevroligada urın yawlawı belän qotladı.
UNİKS prezidentı Yevgeniy Bogaçev häm qazanlılarnıñ ostazı Yevgeniy Paşutin isemenä yullanğan Xökümät telegrammmasında:
“TR Woleybol federatsiäse häm şäxsän üz isememnän sezne häm sportçılarnı, trenerlarnı, UNİKSnıñ canatarların il çempionatı finalına häm Yevroliganıñ törkemle turına çığuı belän qotlıybız. Respublika sezneñ belän ğorurlana.
Bu klub kollektivınıñ köndälek, tırış xezmät, trenerlar sostavınıñ yuğarı professional'lege, uyınçılarnıñ ostalığı näticäse. Sezneñ Tatarstan sportçıları qazanışlarına zur öleş kertüegez öçen räxmät belderäm.
UNİKS basketbol komandasına kiläse sport yarışlarında uñışlar, yaña ciñülär telim”, - dip yazılğan.
İskärtep ütik, bügen UNİKS Mäskäwdä başqala TSSQA komandasına qarşı final seriäsen başlıy.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши