Din

Möftineñ "Uraza" kitabı dönya kürde

Kitap urazağa qağılışlı beleşmälek häm wäğäzlär söylägändä alıştırğısız yärdämlek bularaq ta ähämiätle

 (Qazan, 2 iyün, “Tatar-inform”). “Xozur” näşriät yortı Tatarstan möftie Kamil xäzrät Sämiğullinnıñ “Uraza” dip atalğan kitabın näşer itte. Bu xaqta TR möselmannarı Diniä näzaräte xäbär itä.

Uraza - Allahı Täğälä farız itep yöklängän iñ cawaplı ğämäl. Mondıy cawaplı ğämälne başqarıp çığu öçen, döres niätläw, uraza totqanda sälämätlekkä zarar kitermi torğan törle qağidälärne belü zaruri.

Kitapta uraza häm ramazan ayı turındağı Qor'än äyätläre häm xädislär, doğalar, törle däwerlärdäge päyğämbärlärneñ uraza totuları xaqında xikäyätlär, şulay uq uraza ğämäleneñ tarixı, şäriğät xökemnäre turında yazılğan.

Kitap urazağa qağılışlı beleşmälek häm wäğäzlär söylägändä alıştırğısız yärdämlek bularaq ta ähämiätle.

Kitapnı küpläp satıp alu öçen “Xozur” näşriät yortına möräcäğät itärgä mömkin, t. +7 (843)202-07-74. Şulay uq näşriätneñ elektron kibete bar: http://huzurshop.ru/

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши