Cämğiät

Bosch vitse-prezidentı Qazan – Franqfurt aviareysı turında: “Bu eşlekle dialoğ öçen yaña mömkinleklär”

«Bosch qurqınıçsızlıq sisteması» kompaniäse delegatsiäse citäkçese Robert Mulats Franqfurt häm Qazan turı aviareysı açıluğa şat

 (Qazan, 2 iyün, «Tatar-inform», Arseniy Mawrin). Tatarstan Xökümäte yortında TR Premyer-ministrı İldar Xalikovnıñ Germaniäneñ Bosch kompniäse delegatsiäse belän oçraşuında delegatsiä başlığı - «Bosch qurqınıçsızlıq sisteması» kompaniäse başqaruçı vitse-prezidentı Robert Mulats «Aeroflot» aviakompaniäseneñ Qazan – Franqfurt – Qazan yaña turı daimi reysın açudan qänäğät buluın belderde.
17 iyünnän Tatarstan başqalasınnan berençe reys başqarılaçaq. Robert Mulats “bu waqiğa Rossiä-Germaniä eşlekle xezmättäşlege öçen yaña mömkinleklär aça”, - dip ışana. “Ägär mondıy reys berniqädär irtäräk bulsa, bezgä Mäskäwdän küçep utırırğa turı kilmäs ide”,- dide qunaq.
İskärtäbez, Bosch kompaniäse ştab-fatirı Franqfurt-na-Mayne da urnaşqan.
Oçraşuda İldar Xalikov Germaniä belän Tatarstannı küptänge nıqlı elemtälär bäyli, dip söyläde. Xäzer respublika Prezidentı Röstäm Miñnexanovnıñ Drezdenda eş säfärendä buluın da iskärtik.
Qunaqlarğa Bosch kompaniäse öçen respublikanıñ investitsion mömkinlekläre täqdim itelde. «İnnopolis» MİZ, «Alabuğa» MİZ, «Master» KİP häm başqa mäydançıqlar üz territoriälärendä rezidentlar qabul itärgä äzer.
İldar Xalikov dönya bazarında wazğiät tizdän totrıqlana häm ĞFR belän Tatarstan arasında tışqı iqtisadi elemtälär yaña üseş alaçağına ışanıç belderde.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши