Mädäniyät

Samara şähärendä tözeläçäk Xalıqlar duslığı parkında milli stildäge yortlarğa, şul isäptän tatar yortına nigez salu niätlänä

Biredä ekskursiälär, kontsertlar, konferentsiälär, milli tuylar, millätara bäyrämnär häm festival'lär uzaçaq.

 (Qazan, 2 iyün, “Tatar-inform”, Gölnar Ğärifullina). Bügen Samara şähärendä “Volgar'” ekoşähärendä Xalıqlar duslığı parkı tözelä başlaw xörmätenä tantanalı çara uza. Älege unikal' kiñküläm proyekt “Samara ölkäse xalıqları berlege” töbäk ictimaği oyışması tarafınnan ğämälgä aşırıla. Bu parkta milli stildäge yortlarğa, şul isäptän tatar yortına, nigez salu niätlänä. Bu xaqta Samara ölkäse Xökümäte saytında xäbär itelä.

Proyekt Samara ölkäse gubernatorı Nikolay Merquşkin tarafınnan xuplanğan. Ul 2014 nçe yılnıñ 4 noyäberendä Xalıqlar duslığı parkı nigezenä yäş buınğa möräcäğät belän qapsula salu tantanasında qatnaşqan häm Xalıqlar duslığı parkınıñ popeçitellär sovetın citäklägän. Park tözü proyektın, şulay uq, “Xalıqlar duslığı yortı” uçrejdeniese häm “Rossiä xalıqları assambleyäse” ğomumrossiä ictimaği oyışması da xuplıy.

Xalıqlar duslığı parkı Samara ölkäseneñ mädäni küptörlelegen saqlaw, töbäktä duslıqnı nığıtu häm millätara teläktäşlekne saqlaw maqsatınnan tözelä.

Tözeleş başlanu uñayınnan oyıştırılğan bügenge tantanada töbäkneñ milli ictimaği berläşmäläre wäkilläre, alarnıñ icadi kollektivları qatnaşa. Alar törle xalıqlarnıñ traditsion yolaları, ğöref-ğädätläre turında söyläp, alardan küreneşlär kürsätäçäk. Annan soñ urtaq Duslıq östäle artında çäy eçü niätlänä.

Törle xalıqlarnıñ tarixı, qazanışları häm mädäni traditsiäläre, alarnıñ Rossiä däwläte üseşenä kertkän öleşe çağıldırılğan yortlar berdäm texnik birem buyınça tözelä – alarnıñ mäydanı 55 kv. m, häm utar territoriäse 500 kv. m dan ğibarät. Biredä könküreş predmetları, milli kostümnar, park tematikasın çağıldırğan başqa eksponatlar täqdim itelä.

Xalıqlar duslığı parkında ekskursiä, kontsertlar, konferentsiälär, milli tuylar, millätara bäyrämnär häm festival'lär uzaçaq.

Xalıqlar duslığı parkı Samara ölkäseneñ turistik marşrutlarına kertelep, Samara cirlegendä yäşäwçe barlıq xalıqlarnıñ berdämlege simvolı bulaçaq.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши