Räsmi xäbärlär

Tatarstan Prezidentı Drezdenda sänäğät predpriätielärendä buldı

Alar arasında "EAST-4D Carbon Technology GmbH" kompaniäse häm "Micromat GmbH" bar

 
(Qazan, 2 iyün, «Tatar-inform»). Tatarstan Respublikası Prezidentı Röstäm Miñnexanov bügen Drezdenda innovatsion sänäğät predpriätielärendä buldı.

Şulay itep, "EAST-4D Carbon Technology GmbH" kompaniäse Drezden texnik universitetın tämamlawçılar tarafınnan nigez salınğan. Predpriätie 4D texnologiäsen qullanıp proyekt, dizayn häm süs kompozitsion materiallarınnan produktsiä citeşterü belän şöğellänä.

Kompaniäneñ äyläneşe 6 mln yevrodan artıq täşkil itä, xezmätkärlär sanı – 50 keşe çaması.

Röstäm Miñnexanovnı häm anı ozatuçı zatlarnı predpriätie tsexları häm laboratoriäläre buylap yörttelär, "EAST-4D Carbon Technology" belgeçläre ekskursiä barışında tuğan sorawlarğa cawap birdelär, dip xäbär itä TR Prezidentı matbuğat xezmäte.

Çirattağı kompaniä "Micromat GmbH" stanoqlar texnologiäse häm citeşterü belän şöğellänä. Bu kompaniäneñ stanoqları sänäğätneñ törle ölkälärendä qullanıla, şul isäptä aviatsiä-qosmik häm energetika tarmaqlarında.

Kompaniä 1863 yılda eşli başlağan häm Germaniäneñ borınğı maşina tözeleşe predpriätieläreneñ berse isäplänä. Bügen predpriätie, stanoq tözeleşe ölkäsendä äydäp baruçı yuğarı texnologiäle firmalar belän berrättän, liderlıq pozitsiäsen bili.

1993 yıldan başlap "Micromat" Qazannıñ motor tözeleşe berläşmäse belän xezmättäşlek itä. 1994-1995 yıllarda "Micromat" Tatarstan Respublikasına 22 stanoq qaytarğan.

Şulay uq Röstäm Miñnexanov Drezdenda "Eberspacher Exhaust Technology" kompaniäse eşçänlege belän tanıştı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши