Iqtisad

Röstäm Miñnexanov: “Bez Germaniä biznesın, kapitalın Tatarstanğa cälep itü belän qızıqsınabız”

Tatarstan Prezidentı süzlärençä, respublika ike yaq öçen dä faydalı nigezdä xezmättäşlek itärgä häm elemtälärne üsterergä açıq

 (Qazan, 2 iyün, «Tatar-inform»). Tatarstan Saqsoniä kompaniäseneñ Rossiä bazarında eşläw öçen start mäydançığı sıyfatında respublikanı saylawı belän qızıqsına. Respublika ike yaq öçen dä faydalı nigezdä xezmättäşlek itärgä häm elemtälärne üsterergä açıq. Bu xaqta bügen «Saqsoniä – Tatarstan» iqtisadi forumı açılu tantanasında Tatarstan Respublikası Prezidentı Röstäm Miñnexanov belderde.

Forum Drezdenda Röstäm Miñnexanovnıñ Germaniägä eşlekle vizitı qısalarında (1-3 iyün) uzdı.

Forumda qatnaşuçılarğa sälämläw süze belän Saqsoniä İqtisad, xezmät, transport ministrlığı stats-sekretare Ştefan Branğs möräcäğät itte.

Tatarstan Respublikası belän elemtälärne üsterergä qızıqsınuçı Saqsoniä biznesı wäkillären sälämläp, Röstäm Miñnexanov Rossiä häm Germaniä citäkçelegenä urtaq proyektlarnı çınğa aşıruda yärdäm itüläre öçen räxmät belderde.

“Bu säfär bezneñ töbäklär arasında xezmättäşlekne üsterügä yaña impul's biräçäk dip ışanam, - dide Röstäm Miñnexanov. – Bügen Tatarstannıñ iqtisadi häm investitsion qüäten, mömkinleklären täqdim itärgä şatmın. Bez Germaniä biznesın, kapitalın Tatarstanğa cälep itü belän qızıqsınabız, üzara elemtälärne kiñäytergä şatbız häm yärdäm itärgä äzer torabız”.

Röstäm Miñnexanov fikerenä, xalıqara säyäsi xäl normal'läşä, bügen xökümätlärneñ burıçı – biznesqa döres impul's birü.

Germaniä – Tatarstannıñ tışqı iqtisadi partnerlarınnan berse. Tatarstan Prezidentı iskärtkänçä, Tatarstan-Germaniä tawar äyläneşe 2015 yılda 1 mlrd yevrodan artığraq bulğan, şulay da bu kürsätkeç 30 protsentqa kimegän.

«Biş yıl elek bez «QAMAZ» ĞACda «Mersedes-Bents Traqs Wostoq» citeşterü liniäsen açtıq, - dide Tatarstan Prezidentı. - Tatarstanda Germaniädän kilgän investitsiälär qatnaşında barlığı 80nän artıq predpriätie eşli».

Tatarstan «Simens» (elemtä, energetika, caylanmalar lizinğı); «BASF» (ximik produktsiä); «Boş» (maşina tözeleşe); «Kraus Mafay» (neft ximiäse); «Linde» (ximiä); «Qnorr-Bremze» (avtomobillär öçen komplektlawçılar); «Tsanradfabrik» («QAMAZ» öçen tapşıru qorobqaları); «Foyt» (avtomatik tapşıru qorobqaları); «Sariä Bio İndastriz» (terlek çimalın eşkärtü) kompaniäläre häm başqalar belän uñışlı xezmättäşlek itä.

«Alabuğa» maxsus iqtisadi zonası rezidentları arasında dürt kompaniä, alar yä yärdämçe yäisä nemets partnerları qatnaşındağı urtaq predpriätielär, dide Röstäm Miñnexanov, şulardan: «Tatneft -Alabuğa Steklovolokno» CÇC, «Sariä Bio - İndastris Volga» CÇC; «RMA Rus» CÇC, «Xewi Logistiks Yılabuğa» CÇC.
«Bezneñ töbäktä ere universitetlar häm fänni-citeşterü üzäkläre urnaşqan. Sezdäge şul yünäleşle küp närsälär Tatarstan predpriätieläre häm oyışmaları öçen qızıqlı».

Röstäm Miñnexanov şulay uq iskärtkänçä, Saqsoniä Premyer-ministrı Tillix äfände citäkçelegendäge Saqsoniä delegatsiäse 2009 yılnıñ aprelendä Tatarstanda bulğan.

Mäğärif ölkäsendä Tupolev isemendäge QDTU belän Frawnxofersk Stanoqlar tözeleşe institutı arasında, Drezden Texnik universitetı qatnaşında, Tatarstanda urman xucalığı ölkäsendä urtaq proyektlar ğämälgä aşırıla.

Röstäm Miñnexanov süzlärençä, Tatarstan Respublikası Saqsoniä biznesın energetika häm neft ximiäse, avtomobillär, oçqıçlar, maşina tözeleşläre; IT häm başqa yuğarı texnologiälär, agrosänäğät kompleksı, injinirinğ, meditsina, tözeleş häm başqa ölkälärdä qızıqsındıra alır ide.

R.Miñnexanov «Saqsoniä – Tatarstan» eşlekle forumında qatnaşuçılarğa uñışlar teläde häm forum qısalarında xezmättäşlek öçen yaña yünäleşlär tabılır dip ömet belderde.

Tatarstan sänäğät potentsialın Tatarstan Respublikası sänäğät häm säwdä ministrı Albert Kärimov prezentatsiäläde.

Tatarstannıñ investitsion potentsialı turında Tatarstan Respublikası İnvestitsion üseş agentlığı citäkçese Taliä Miñnullina çığış yasadı.

Forum azağında Qazan däwlät energetika universitetı belän "SARAD GmbH" kompaniäse arasında energiäneñ näticälelege häm ekologik iminlek ölkäsendä Tatarstan-nemets injinirinğ üzäge buldıru turında kileşü imzalandı.

TR Prezidentı matbuğat xezmäte şul xaqta xäbär itä.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши