Mädäniyät

İlküläm bäyrämgä kilgän Tatarstan jurnalistları öçen Ulianovskinıñ İske Qulatqı rayonı buylap ekskursiä oyıştırıldı

Bu cirlektä VII Bötenrossiä awıl Saban tuyı bula

 (Ulianovsk ölkäse "Tatar-inform", Liliä Lokmanova). Bügen Ulianovsk ölkäseneñ İske Qulatqı bistäsendä VII Bötenrossiä awıl Saban tuyı başlana, ul 2 köngä isäplängän. Monda qunaqlar inde irtädän birle ağıla. Oyıştıruçılar süzlärençä, milli bäyrämgä Rossiäneñ 50 dän artıq töbägennän 500 dän arıq delegat kilgän.

Xäzerge waqıtta Saban tuyı uzaçaq mäydanda repetitsiälär bara. Kiçen delegatlarğa kontsert programması täqdim iteläçäk. Saban tuyına qädär Tatarstannan barğan jurnalistlar öçen Xämzä Abäzov isemendäge tarixi tuğan yaqnı öyränü muzeyena ekskursiä oyıştırıldı häm alar Yaña Zimnitsa awılında urnaşqan işan Xäbibulla xäzrät Xansöyärovnıñ qäberen zıyarat qıldı. Cirle xalıq Xäbibulla xäzrätne izge sanağan, äle dä bulsa älege qäbergä kilep doğa qıla.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши