Räsmi xäbärlär

Röstäm Miñnexanov Yena şähärendä Leybnits isemendäge Foton texnologiäläre institutında buldı

Röstäm Miñnexanov institutnıñ qayber laboratoriälären, tikşerenülär bülmälären qaradı, zamança cihazlar belän tanıştı

 (Qazan, 3 iyün, «Tatar-inform»). Fängä kertkän aqçalar - iñ uñışlı kapital salu ul. Şul süzdän bügen Tatarstan Respublikası Prezidentı Röstäm Miñnexanov öçen Leybnits isemendäge Foton texnologiäläre institutında oyıştırılğan prezentatsiä başlandı.
İnstitut foton protsessları häm iñ yuğarı däräcäle sizgerlek sistemalarınıñ fänni nigezlären tikşerü belän şöğellänä.
Monnan tış, institut kvant elektronika, optika, elektron sistemalar, mikrosistemalar, biofotonika häm lazer texnologiäläre ölkäsendä tikşerenülär alıp bara.
"Fotonika tormış öçen" şiğäre belän institut meditsina häm äylänä-tirä moxitne saqlaw ölkäsendäge mäs'älälärne individual' xäl itü alımnarın eşli. "İdeyädän tormışqa aşıru" ideyäsen alğa sörep, fänni-tikşerenü üzäge tikşerenülär aşa tabılğan ideyälärne ğämälgä aşıra, çın protsesslarğa, instrumental' kontseptsiälärgä, ä qayçaq laborator printsiplarğa äyländerä.
Leybnits isemendäge Foton texnologiäläre institutı ilküläm häm dönya däräcäsendäge fänni dairälärdä aldınğı urınnarda tora, biofotonika ölkäsendäge tikşerenülärne üsterügä ğäyät zur öleş kertä.
İnstitut Yevropa berlegeneñ berniçä proyektın koordinatsiäli.
İnvestitsiälärgä kilgändä, bügen institut fotonikanı üsterügä yärdäm itärgä telägän çittäge investorlardan da aqçalar ala. Bu çaralar institut aqçalarınıñ yartısın täşkil itälär.
Begä 420 mln yevro kertelde, dip xäbär itte uçrejdenie wäkile, häm bez älege aqçalar qaytarılaçaq dip ışanabız.
Türingiä cire institutqa citdi yärdäm kürsätä.
Röstäm Miñnexanov institutnıñ qayber laboratoriälären, tikşerenülär bülmälären qaradı, zamança cihazlar belän tanıştı.
TR Prezidentı matbuğat xezmäte şul xaqta xäbär itte.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши