Räsmi xäbärlär

Röstäm Miñnexanov Yena şähärendä (Türingiä) Universtitet klinikası eşe belän tanıştı

Röstäm Miñnexanov häm anı ozata yörüçe zatlar klinika büleklären, laboratoriälären, cihazların häm başqalarnı qaradılar

 (Qazan, 3 iyün, «Tatar-inform»). Tatarstan Respublikası Prezidentı Röstäm Miñnexanov bügen Yena şähärendä (Türingiä) Universtitet klinikası eşçänlege belän tanıştı. Çara Röstäm Miñnexanovnıñ Germaniä Federativ Respublikasına eş säfäre qısalarında ütte (1-3 iyün könnäre).

Prezentatsiä barışında Röstäm Miñnexanovka klinika tarixı häm anıñ üseşe turında söylädelär.

Fridrix Şiller isemendäge klinika tarixı 200 yıl elek başlanğan, ä Fridrix Şiller isemendäge. universitetınıñ meditsina fakul'tetı tarixı 450 yıllap isäplänä (fakul'tetqa 1558 yılda nigez salınğan).

Bügen klinika 1396 urınğa isäplänä. Yıl sayın biredä 52,5 meñ keşe statsionarda häm 364 meñ keşe ambulatoriädä däwalana.

Klinikanıñ töp fänni yünäleşläre - sepsis (qan yoğışlanu), geriatriä (qartayu), meditsina optikası häm fotonika. Anesteziologiä häm intensiv terapiä, ğomumi häm yöräk-qan tamırları xirurgiäse, oftalmologiä, balalar xirurgiäse häm başqa büleklär Yena Universitet klinikasınıñ maxsus büleklärenä qarıy.

Kliniqäda zamança cihazlar häm terapiäneñ iñ yaña alımnarı qullanıla.

Klinika böten Germaniädän awırularnı qabul itä. Çit ildän kilgän patsientlar kliniqäda 1 % täşkil itälär, dip cawap birdelär Röstäm Miñnexanov sorawına.

Texnik cihazlaw häm oyıştıru yağınnan klinika älegä andıy awırularnı qabul itärgä äzer tügel.

Tatarstan Prezidentın klinikanı finanslaw, administrativ büleneşe, xezmät kürsätü törläre kebek sorawlar qızıqsındırdı. Yena Universitetı klinikası, berençe çiratta, - fänni tikşerenülär näticäsendä alğan belemne praktikada faydalanu urını ul, dip ışandırdılar Röstäm Miñnexanovnı.

Röstäm Miñnexanov häm anı ozata yörüçe zatlar klinika büleklären, laboratoriälären, cihazların häm başqalarnı qaradılar, dip xäbär itä TR Prezidentı matbuğat xezmäte.

Fotosurät prav.tatarstan.ru saytınnan alındı.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши