Iqtisad

"Analitik Yena AĞ" kompaniäse wäkilläre Tatarstan Respublikası belän xezmättäşlekne kiñäytü telägen belderdelär

Röstäm Miñnexanov şulay uq ximiä häm neft ximiäse ölkäsendä tikşerenülär kebek yünäleşlär qızıqlı buluı turında xäbär itte

 (Qazan, 3 iyün, «Tatar-inform»). Tatarstan Respublikası Prezidentı Röstäm Miñnexanov bügen Germaniä Federativ Respublikasına eş säfäre qısalarında «Analitik Yena AĞ» (Analytik Jena AG) kompaniäsendä buldı, dip xäbär itä TR Prezidentı matbuğat xezmäte.
Kompaniä Yena şähärendä (Türingiä) 1990 yılda oyıştırılğan, xäzerge waqıtta ul Germaniäneñ yuğarı texnoloiğälär ölkäsendä aldınğı kompaniäläreneñ berse.
Röstäm Miñnexanovka xäbär itelgänçä. 2000 yılda kompaniä birjağa çıqqan, ä 2013 yılda kompaniäne kiñäytü barışında ul Şwetsiä kompaniäsen üzenä yotqan häm tağın da aktivraq üsä başlağan.
«Analitik Yena AĞ» dönyanıñ yözdän artıq ilendä täqdim itelä, biredä 1100 xezmätkär eşli, häm produktsiäneñ 75 % eksportqa cibärelä.
«Analitik Yena AĞ» eşçänlege öç ölkädä alıp barıla - proyekt eşçänlege (klinikalarnı proyektlaw häm cihazlaw), tormış öçen fänni tikşerenülärne yaraqlaştıru (biologiä, meditsina, robototexnika, biotexnologiä).
2006 yılda kompaniäneñ Mäskäwdä wäkillege açıldı, kompaniä produktsiäse Rossiädä sertifikatsiälängän.
Kompaniä citäkçelege Tatarstan Respublikası belän urtaq tikşerenülär, meditsina häm mäğäriftä proyektlarnı ğämälgä aşıru ölkäsendä xezmättäşlekne kiñäytergä teli. Ayırım alğanda, Qazanda fänni tikşerenülär üzägen açu täqdime yañğıradı.
«Analitik Yena AĞ» kompaniäseneñ TR Sälämätlek saqlaw ministrlığı belän Tatarstanda klinikalarnı cihazlaw buyınça proyektlarnı uñışlı ğämälgä aşırğanı bar (mäsälän, Çallıda aşığıç meditsina yärdäme xastaxanäsen cihazlaw).
Kompaniä şulay uq Mäskäw, Sankt-Peterburğ häm Volgogradta proyektlarnı uñışlı ğämälgä aşırğan.
Fänni tikşerenülär ölkäsendä xezmättäşlek itü häm elemtälär mömkinleklären öyränü öçen «Analitik Yena AĞ» wäkilläre Qazanda urtaq fänni seminar ütkärergä täqdim ittelär.
Röstäm Miñnexanov xezmättäşlek itü telägen uñay bäyäläde. Min sezneñ TR Sälämätlek saqlaw ministrlığı belän bağlanışlarığız turında beläm, dide ul, qızğanıçqa qarşı, bügen rubl' kursı proyektlarğa saqlıq belän qararğa mäcbür itä. Işanam, fänni tikşerenülär ölkäsendä bez elemtälärgä mömkinleklär tabarbız, dip belderde Röstäm Miñnexanov, xezmättäşlek itü formasın burıçlarnıñ ähämiätenä qarap bilgeläw möhim. Ul proyektlarnı ğämälgä aşıru mömkinleklären centekläp öyränergä täqdim itte.
Röstäm Miñnexanov şulay uq ximiä häm neft ximiäse ölkäsendä tikşerenülär kebek yünäleşlär qızıqlı buluı turında xäbär itte. Bu ölkä bezgä qızıq häm bu ölkädä citdi mömkinleklär bar, dide ul.
Yaqlar şulay uq köz köne Qazanda urtaq fänni seminar (konferentsiä) uzdıru turında kileştelär.
«Analitik Yena AĞ» wäkilläre klinikalar häm fänni laboratoriälär arasında elemtälär sistemasın oyıştıru buyınça yärdämnären täqdim ittelär.
Şunnan Röstäm Miñnexanov Jena-Optronik GmbH predpriätiesenä yünälde.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши