Räsmi xäbärlär

TR Prezidentı häm Türingiä Premyer-ministrı Yena şähärendä Üzara añlaşu turında memorandum imzaladılar

İmzalaw çarası Yenada «Rozental'» willasında uzdı

 (Qazan, 3 iyün, «Tatar-inform»). Tatarstan Respublikası Prezidentı Röstäm Miñnexanov häm Türingiä Premyer-ministrı Bodo Ramelov bügen Yena şähärendä Üzara añlaşu turında memorandum häm Türingiägä eş säfäre yomğaqları buyınça berketmä imzaladılar.
Tantana Tatarstan Respublikası Prezidentı Röstäm Miñnexanov häm Türingiä Premyer-ministrı Bodo Ramelov oçraşuınnan soñ uq Yenada «Rozental'» willasında uzdı, dip xäbär itä TR Prezidentı matbuğat xezmäte.
Älege oçraşu kiñäytelgän formatta uzdı, anda Tatarstan Respublikası delegatsiäse äğzaları, Türingiä cire eşlekle dairäläre wäkilläre, şulay uq Germaniä massaküläm mäğlümat çaraları wäkilläre qatnaştı.
Oçraşunı açıp, Bodo Ramelov Röstäm Miñnexanovka Türingiä delegatsiäseneñ 20 apreldä Qazanğa eş säfäre barışında kürsätelgän qunaqçıllıq öçen räxmät belderde.
Bodo Ramelov assızıqlağança, Türingiä xezmättäşlären «Elektron Xökümät» häm «Elektron dokumentlar äyläneşe» proyektları soqlandırğan.
Bodo Ramelov şulay uq Tatarstanda ğämälgä aşırıla torğan yäşlär belän eşläw, İnnopolis şähären tözü häm başqa proyektlarnı da iskä töşerde.
Üz çiratında Röstäm Miñnexanov şulay uq Bodo Ramelovka räxmät belderde, bigräk tä Weymar şähäre buylap kiçäge kiçke ekskursiä öçen. Min şundıy zur bulmağan Weymar şähärendä şulqädär tarixi obyekt, tarixi faktlar bulğanın küz aldına kitermägän idem, dide Röstäm Miñnexanov.
Bügen Türingiä yaña texnologiälär, yaña bazarlar, yaña proizvodstvolar ezläwgä yünälgän, bu Tatarstanğa da xas, dide Röstäm Miñnexanov, bezneñ eşçänlek sxemaları oxşaş. Ul şulay uq, Türingiä häm Tatarstannıñ barlıq urtaq proyektları ğämälgä aşırılır, dip ömet belderde.
Röstäm Miñnexanov şulay uq Yenada üze bulğan obyektlar – Universitet klinikası, «Analitik Yena», «Yena Optronik» kompaniäläre, Leybnits isemendäge Foton texnologiäläre institutı turında söyläde. Bez mondıy kompaniälär belän xezmättäşlek itärgä telibez, dide ul.
Min ışanam, bez näticäle xezmättäşlek itäçäkbez.
Annarı xezmättäşlek turındağı täqdimnär belän Türingiä cire kompaniäläre wäkilläre çığış yasadı.
Mäğlümat texnologiäläre ölkäsendäge kompaniä üz programma tä'min iteleşen faydalanu mömkinlegen qararğa täqdim itte. Röstäm Miñnexanov kompaniä wäkillären Qazanğa çaqırdı.
Tağın ber täqdim sänäğät ölkäsendä kvalifikatsiä arttıru kursları oyıştıru buyınça xezmättäşlek turında ide. Mondıy yünäleş belän Erfurt (Türingiä) şähärendäge mäğlümat üzäge şöğellänä.
Oçraşu azağında Röstäm Miñnexanov häm Bodo Ramelova barında «Kriotek Anlangebaw» (Türingiä) kompaniäse belän «RariTEQ Kompani grup» CÇC (Tatarstan) kompaniäse arasında üzara añlaşu turında memorandum imzalandı.
Annarı Tatarstan Respublikası Prezidentı Röstäm Miñnexanov citäkçelegendäge Tatarstan delegatsiäseneñ Türingiägä eş säfäre uñayınnan Türingiä Premyer-ministrı Bodo Ramelov isemennän qabul itü mäclese uzdırıldı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши