Mädäniyät

VII Bötenrossiä awıl Saban tuyın Tatarstan artistları görlätte

Milli muzıka, cır häm biü ostaları tamaşaçılarğa 3 säğätkä yaqın barğan kontsert täqdim itte

 (Ulianovsk ölkäse, 3 iyün, "Tatar-inform", Liliä Lokmanova). Bügen Ulianovsk ölkäseneñ İske Qulatqı awılında VII Bötenrossiä awıl Saban tuyı uzdırıla. İke köngä isäplängän milli bäyrämneñ berençe öleşe bügen kiç ütkärelde. Mädäni programma "Qazan xäzinäse" isemle tamaşa belän başlanıp kitte. Ul borınğı Bolğar xanlığına, anıñ tarixına, mädäniätenä bağışlanğan ide. 1 säğät tä 15 minutlıq spektakl' "Qazan" biü ansamble tarafınnan, TR Mädäniät ministrlığı täqdime belän çit ildän kilgän delegatlarğa kürsätü, alarnı Qazannıñ tarixı, mädäni üzençälekläre belän tanıştırunı küzdä totıp maxsus äzerlängän. Spektakl' öçen şulay uq maxsus räweştä muzıka yazılğan, Mäskäwdän rejisserlar çaqırtılğan. "Qazan xäzinäse"ndä ansambl'neñ 50läp biüçese çığış yasıy. Ansambl'neñ sänğät citäkçese Çulpan Zakirova "Tatar-inform" MA jurnalistına şul xaqta xäbär itte.

Kontsert kiçke 8 dä başlanuğa qaramastan, İske Qulatqı üzäk stadionına xalıq küpkä irtäräk ağıla başladı. Qayberläre xätta üzläre belän urındıqlar da alğan. Xalıq stadionğa kiç buyı ağıldı. Alar arasında keçkenä balalardan alıp, olı yäştäge apa-abıylarğa qädär bar ide. Kübesenä tamaşanı basıp qararğa turı kilsä dä, alar kontsert betkänçe taralışmadı. Tamaşaçılar qarşında tanılğan artistlar Sirinä Zäynetdinova, Ferdinand Fätxi çığış yasadı. Kiçke Saban tuyı Zäynäp Färxetdinova häm Zöfär Bilalovnıñ ber säğättän artıq barğan kontsertı belän tämamlandı. İrtägä, yağni 4 iyün könne isä VII Bötenrossiä awıl Saban tuyınıñ töp çaraları uzaçaq. Anda Tatarstannan räsmi delegatsiä kilüe kötelä.

Foto http://1ul.ru/city saytınnan.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши