Mädäniyät

Tatarlarnı canlandırıp, Saban tuyları qolaç cäyä

Xäyer, ilebezdä ul küptän inde internatsional' bäyrämgä äylängän

 (Qazan, 4 iyün, "Tatar-inform", Miläwşä Nizametdinova). Bügen häm irtägä Tatarstan rayon üzäklärendä häm awıllarında tatar milli bäyräme Saban tuyları uzdırıla - TR Prezidentınıñ şul xaqta Ukazı bar. Tatarstan başqalası Qazanda isä bıyıl respublika Saban tuyı 28 may könne buldı.

VII Bötenrossiä awıl Saban tuyı Ulianovsk ölkäseneñ İske Qulatqı eşçelär bistäsendä 3,4 iyündä uzdırıla: kiçä anda könneñ ikençe yartısında Tatarstan säxnä ostaları zur kontsert quydı, başqa mädäni çaralar uzdırıldı; bügen bäyrämneñ töp çaraları bula, anda Tatarstannan Prezident Röstäm Miñnexanov räislegendä räsmi delegatsiä qatnaşa. Ulianovsk ölkäse häm Bötenrossiä awıl Saban tuyın uzdıruğa cawaplı bulğan Tatarstan Respublikası wäkilläre apreldä uq Saban tuyına äzerlek mäs'äläsendä yullap yördelär, qunaqlar yortı öçen Nurlat şähäre cawaplı buluın da bilgeläp ütik.

XVI federal' Saban tuyı bıyıl Tübän Novgorodta 16 iyüldä bula. Tatarlarnıñ milli bäyrämen älege töbäktä uzdıru 15-16 iyül könnärenä bilgelängän. Berençe könne Tübän Novgorod däwlät akademiä filarmoniäsendä tantanalı cıyılış häm kontsert, 16 sında isä “Lokomotiv” stadionı häm 1 nçe May parkında sport yarışları, bäyräm çaraları qaralğan.

TR Mädäniät ministrlığı mäğlümatları buyınça, ğomumän alğanda, bıyıl Rossiäneñ 57 töbägendä barlığı 248 Saban tuyı, 28 yaqın häm yıraq çit illärdä 74 Saban tuyı uzdıru küzdä totılğan.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши