Mädäniyät

“Ütken reportaj”: Miñnexanov Mixeyevağa niçek itep tatarğa äylänergä häm Saban tuyı ütkärergä ikänlegen söyläde

Saban tuyı turındağı süjetnı “Berençe qanal”da kürsättelär

 (Qazan, 4 iyün, «Tatar-inform», Kristina İvanova). «Veçerniy Urğant» şou-tamaşasınıñ «Ostrıy reportaj» rubrikasın alıp baruçı Alla Mixeyeva 28 mayda Qazanda uzğan Saban tuyı turında süjet töşergän. Kiçä ul “Berençe qanal”dan kürsätelde.

İskärtep ütik: töp küñel açu çarası İdel buyı Qayınlığında uzdı. Anda Alla Mixeyeva reportaj töşergän,TR Prezidentı Röstäm Miñnexanovtan intervyu alğan häm anıñ belän fotoğa töşkän.

Mixeyeva “çäçü eşläre tögällände, xäzer Saban tuyın bäyräm itsäk tä bula”, - dip söyläde. Ul şounı alıp baruçığa Qazanğa Saban tuyına baruın häm “bezneñ belän sezdä tatar yäşäwen añladım”, dip söyläde ul. “Ämma sindä tatarlıq uyansın öçen, anı açarğa kiräk. Min bağana şomarttım, aq sıyıqçağa çumdım, xatın-qız belän suğıştım”, - dip söyläde ul.

Mixeyeva “Ostrıy reportaj”ında başına tübätäy kiep tatar äkiätläre geroyları Şüräle, Käcä häm Sarıqtan intervyu aldı, çülmäk wattı, 30 metrlı bağanağa mende, şulay uq qatıqtan berençe bulıp täñkäne ezläp taptı.
Respublika liderı Mixeyevağa birgän äñgämäsendä: “Saban tuyın bäyräm itü öçen, sez tatarğa “äylänergä” tieş: cırlarğa, biergä, bezneñ rizıqnı aşarğa, yarışlarda qatnaşırğa”, - dide.

Saban tuyı turındağı videoreportajnı biredä qararğa mömkin.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши