Mädäniyät

VII Bötenrossiä awıl Saban tuyı şaw-gör kilä başladı

Nurlat rayonı biredä üzeneñ milli utarın oyıştırğan

 (Ulianovsk ölkäse, "Tatar-inform", Liliä Lokmanova). Bügen Ulianovsk ölkäseneñ İske Qulatqı eşçelär bistäsendä VII Bötenrossiä awıl Saban tuyınıñ töp çaraları uzdırıla.

Bu minutlarda qunaqlar milli bäyräm ütkärelä torğan mäydanğa ağıla. İrtänge 9 da mäktäpkäçä yäştäge balalar öçen "Gölçäçäk" balalar baqçasında Töbäkara balalar Saban tuyı başlandı. Ul köndezge 12 gä qädär däwam itäçäk. Balalar Saban tuyı belän bergä, Bötenrossiä awıl Saban tuyı mäydanı da görli başladı. Qunaqlar öçen milli utarlar kürgäzmäläre, azıq-tölek yärminkäläre, cämäğät tuqlanu punktları ğämäldä. Tatarstannıñ Nurlat rayonı monda şulay uq üzeneñ utarın buldırğan, maxsus kontsert programması da äzerlängän. Nurlat rayonı başlığı urınbasarı Flera Noğmanova süzlärençä, utarnı alar ber ay çaması tözegän. Monda awıl öye, awıl klubı, umartalıq, mal sarayı, xätta munçağa qädär salğannar. Süz uñayınnan, munça yağılğan, räxätlänep yuınıp çıqsağız da bula, dip qızıqtırdı başlıq urınbasarı. Utarda Nurlat ostalarınıñ qul eşläre dä urın alğan. Xäzerge waqıtta säxnädä Firdüs Tämayev xalıq aldında çığış yasıy. Tamaşaçılarnıñ käyeflärenä qarağanda, Nurlat rayonı awıl küreneşe Saban tuyında qatnaşuçılar küñelenä xuş kilde, anda xalıq şaqtıy cıyıldı.

Bügen bäyräm kiçke 6 ğa qädär däwam itäçäk. Saban tuyında TR Prezidentı Röstäm Miñnexanov ta qatnaşa.

İskärtep uzabız: Bötenrossiä awıl Saban tuyı berençe tapqır Samara ölkäseneñ Poxwistnevo rayonı Ğäli awılında uzdırıla. 2011 yılda Çuwaşiä Respublikasınıñ Batır rayonı Şığırdan awılında, 2012 yılda Çiläbe ölkäseneñ Krasnoarmeysk rayonı Dubrawqa bistäsendä, 2013 yılda Perm krayınıñ Barda rayon üzägendä, 2014 yılda Volgograd ölkäseneñ Svetloyar rayonı Keçe Çupurniki awılında, 2015 yılda Orenburğ ölkäseneñ Saqmar rayonı Tatar Qarğalısı awılında bäyräm itelde.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши