Räsmi xäbärlär

Blogerlar TR Prezidentı bülmäsennän “Xäyerle irtä, Tatarstan!” fleşmobında qatnaştı

Respublikada populär fleşmobqa Qazanda “Blogerlar Neforumı”nda qatnaşuçılar quşıldı

 (Qazan, 4 iyün, «Tatar-inform», Arseniy Mawrin). Bügen Qazanda “Blogerlar neforumı”nda qatnaşuçılar populär “Xäyerle irtä, Tatarstan!” fleşmobına quşıldı.

İrtän törle platformalarda populär 4 bloger: Polina Brjezinskaya, Mariä Ğoräçeva, Konstantin Pawlov häm Tatiana Rıbakova Tatarstan Prezidentı kabinetında ide. Alar säğät näq 6da Röstäm Miñnexanov belän bergä ber rakursta foto yasadılar häm sotsial' çeltärlärdä üz bitlärendä respublikada yäşäwçelärgä häm qunaqlarğa xäyerle irtä telädelär.

“Zur räxmät! Kötmägän idek! Bolay irtä berkem dä kötmi, ä sez bezne qabul ittegez”, - dip räxmät belderdelär blogerlar Röstäm Miñnexanovka. Alarnı büläk tä quandırdı – Prezident qunaqlarğa Tatarstan turında fotoalbom büläk itte.

“Min xäzer Ulianovsk ölkäsenä oçam, anda bügen Saban tuyı”, - dip plannarı belän urtaqlaştı Röstäm Miñnexanov blogerlar belän. Könneñ ikençe yartısında Prezident Qazanğa qayta häm Dinozawrlar parkın açuda qatnaşaçaq. Soñraq, ul tağın Blogerlar neforumında qatnaşuçılar belän oçraşırğa planlaştıra.

Fleşmobta qatnaşuçılar respublika liderı belän selfi yasadılar. Bu fotolar sotsial' çeltärlär alarnıñ bitlärendä päyda buldı.

İskärtep ütik: “Xäyere irtä, Tatarstan!” fleşmobınıñ initsiatorı - respublika liderı. Berkönne Röstäm Miñnexanov eş köne başlanğanda sotsial' çeltärgä bülmäsennän töşergän foto häm “Xäyerle irtä, Tatarstan!” dip yazıp quyğan ide. Bu ideyäne yazıluçılar xuplap aldı. Ä TR Prezidentı üze, qayda ğına bulmasın, çit ildä komandirovkadamı yäki respublika rayonnarındamı – ber ük waqıtta VKontakte häm Instagram sotsial' çeltärlärendä üz bitendä Tatarstanğa xäyerle irtä teli.

Fotosurät prav.tatarstan.ru saytınnan alındı.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши