Awil xucaliği

TR Prezidentı Quqmara rayonı xezmätçännärenä söt citeşterü buyınça yuğarı qazanışları öçen räxmät belderde

Cirle awıl xucalığı citeşterüçeläre söt külämen arttırğan

 (Qazan, 4 iyün, «Tatar-inform»). Tatarstan Respublikası Prezidentı Röstäm Miñnexanov bügen Quqmara rayonı xezmätçännärenä citeşterü buyınça yuğarı qazanışları öçen räxmät belderde.

Röstäm Miñnexanov Quqmara munitsipal' rayonı başlığı Sergey Dimitriev adresına telegramma yullağan.

“Quqmara munitsipal' rayonı xezmätçännäre respublikada berençe bulıp söt citeşterü küläme buyınça zur qazanışqa ireşte. Köndälek tırış xezmät häm maqsat quyu näticäsendä, quqmaralılar Tatarstan rayonnarı tarixında berençe tapqır täwlegenä tulayım söt külämen 200 tonnağa citkerä aldı. Bu waqiğa Tatarstan söt terlekçelege tarixınıñ yaña biten aça häm respublika xezmätçännäre öçen ürnäk bulıp tora.

Rayon terlekçelege üseşenä sötçelek proizvodstvosınıñ küpyıllıq traditsiäläre belän awıl xucalığı citeşterüçeläre zur öleş kertä. “Ural” awıl xucalığı citeşterü kooperativı kön sayın 56 tonna (üseş - 11 tonna) söt sawıp ala, “Waxitov isemendäge” awıl xucalığı citeşterü kooperativı - 43,5 tonna (üseş - 6 tonna), “Söt ile” Asanbaş CÇC – 27 tonna. Şulay uq “Tuqay “ AF CÇC häm “Wostoq” CÇC citeşterü külämen arttıru maqsatın quyğan.

Tuğan respublika öçen näticäle xezmätegez, Tatarstan agrosänäğät kompleksı üseşenä layıqlı öleş kertkänegez öçen räxmät süzlären citkeräm. Sezgä barçağızğa sälämätlek, iminlek häm yaña uñışlar!” – dielgän TR Xökümäteneñ räsmi saytında dönya kürgän telegramma tekstında.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши