Qazan xäbärläre

Qazanda ildä iñ zur dinazovarlar parkın fleşmob belän açtılar

Park "Kazan-Arena" stadionı territoriäsendä urnaşqan

 (Qazan, 4 iyün, «Tatar-inform», Kristina İvanova). Tatarstan Prezidentı Röstäm Miñnexanov bu minutlarda Rossiädä iñ zur «Yurkin Park Trewel» dinazovarlar parkın açuda qatnaşa. Park "Kazan-Arena" stadionı territoriäsendä urnaşqan.

Park açılu çarasında Qazan merı İlsur Metşin, TR Prezidentı yärdämçese Nataliä Fişman, çeltärdä aña yärdäm itü aktsiäsendä Röstäm Miñnexanov ta qatnaşqan Mäskäw uquçısı Stepan Sawelyev qatnaşa. Parkqa kerü urınında “canlandırılğan” ike dinozawr qarşı aldı.

Park açılu uñayınnan, biredä fleşmob uzdı – çaqıru biletları iäläre «Yurkin park» frazası buyınça tezelep bastı. Alar arasında – balalar yortlarında tärbiälänüçelär häm küp balalı ğailälär. Alar hawağa şarlar oçırıp, parknı açtılar.

Bilgeläp ütik: älegä biletlar satılmıy, barı tik çaqıru biletları belän genä kerergä mömkin. Bu minutlarda märtäbäle qunaqlar parkta ekskursiädä yöri.

Parkqa kilüçelärne natural' zurlıqta 150 gä yaqın kältä yılanı kötä, alarnıñ 105 yı xäräkät itä ala. Şulay uq qunaqlarğa 25 dinoattraktsionda qatnaşırğa täqdim iteläçäk.

Qazanda «Yurkin Park Trewel» Rossiädä xäräkät itüçe dinozawlarnıñ iñ zur parkı häm 6 gektardan artıq mäydannı bili. Ägär parkqa küktän qarasaq, parknıñ dinozawr ayağı eze sıman buluın kürergä mömkin.

Uratıp alınğan sınnarnı totarğa röxsät itelmi. İñ zur sın 20 metrlısı sanala. Sınnar Qıtayda eşlängän.

Parkta belem birü yünäleşe dä bar. Maxsus zonalarda balalar üzlären arxeoloğ häm paleontoloğ bulıp toya ala häm “dinozawlar cäsadların qazıy ala”. Törle uyın zonaları da bar. Qunaqlarğa dinozawr sınnarı belän fotoğa töşärgä mömkin, ä balalar qayberlärenä utırıp ta yöri ala. Monnan tış, diametrı 30 metrlı basseynda balalar ajdaha häm dinozawr räweşendäge köymälärdä yözä ala.

Parkqa kerü bäyäse 500 sum toraçaq. Dinozawrlar parkı 9-22 säğätlärdä eşli. Parkta bulu waqıtı çiklänmägän.

Fotosurät instagram.com/rusminnikhanov/ sotsial' çeltärennän alındı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши