Räsmi xäbärlär, Cämğiät

Röstäm Miñnexanov İnnopolista blogerlarnı uqıtu öçen mäydançıq açu ideyäsen xupladı

Tatarstan Prezidentı Rossiä blogerları xäräkäte aktivı belän oçraştı

 (Qazan, 4 iyün, «Tatar-inform», Arseniy Mawrin). Tatarstan Prezidentı Röstäm Miñnexanov blogerlarnıñ V NeForumında qatnaşuçılar belän oçraştı.

Oçraşuda TR Premyer-ministrı urınbasarı – TR mäğlümatlaştıru häm elemtä ministrı Roman Şäyxetdinov, «Tatmedia» Respublika matbuğat häm massaküläm kommunikatsiälär agentlığı citäkçese Ayrat Zaripov, Tatarstan Respublikasınıñ Turizm buyınça däwlät komitetı räise Sergey İvanov, Rossiä Prezidentınıñ internet buyınça kiñäşçese German Klimenko qatnaştı.

“Bu NeForum tarixqa keräçäk. Monıñ säbäbe berniçä”, - dip bilgeläp ütte «Rossiä seğodnä» RMA Yevraziä kommunikatsiä üzäge direktorı Aleksey Pilqo. Berençe tapqır NeForum küp sanlı qatnaşuçılarnı cıydı häm ul unikal' urında - «Qazan'-Arena» stadionında uzdı. Bu çarada - berençe tapqır «VKontakte», «Odnoklassniki» häm «Jiwoy jurnal» kebek öç ere sotsial' çeltär wäkilläre qatnaşqan berençe oçraq.

“Monnan tış, iñ zur ekranda “Letspley” turında Rossiä rekordlar kitabına zayavka birelde, - dide NeForumnı oyıştıruçı Yevgeniä Başkirova respublika başqalasında töp stadionnıñ mediafasadı turında.
“Tatarstanda NeForumnı şulay qabul itkännän soñ, tizdän internet Qazan turında uñay xäbärlär belän tulaçaq. Million keşe qarayaçaq”, - dip farazladı Aleksey Pilqo.

Röstäm Miñnexanov bilgeläp uzğança, respublika öçen bloger xäräkäte yaña yünäleş, ämma kiräkle. “MMÇ bik beryaqlı – açıq rezonanslı waqiğa kötä. Blogerlar böten alğan mäğlümatnı şunda uq qullana da häm cawap ala”, - dip bilgeläp ütte.

“Bez IT yünäleşne üsteräbez, elektron xezmätlär häm kire elemtä sxemasın kertäbez. Bezneñ “Xalıq kontrole" bar, möräcäğätlärneñ kübese internet aşa kerä. Min üzem dä Instagram sotsial' çeltärendä aktiv”, - dip söyläde respublika liderı. Bu blogerlarğa da yaxşı bilgele. Çeçnädan Zawr Tsetsayev Röstäm Miñnexanovka şulay uq aktiv bloger – Çeçnä Respublikası başlığı Ramzan Qadıyrovtan säläm tapşırdı häm üzen, anıñ dusların duslarğa qabul itüen soradı.

NeForumda qatnaşuçı Vasiliy Ğurin bu çaranı Qazanda ğına qaldırırğa yaramawına borçıldı. Qazannıñ tanılğan blogerı Niäz Latıypov İnnopolista blogerlar öçen mäydançıq açarğa täqdim itte. Röstäm Miñnexanov isä bu ideyäne xupladı.

Neforumda tağın ber qatnaşuçı Aleksandr Perestoronin Röstäm Miñnexanovnıñ rizalıq aldı häm ul “Tatarstan Prezidentı belän ber kön” maxsus proyektın äzerli. Perm blogerı Tatarstan predpriätieläre turında söyläyäçäk, Soçi blogerı – Tatarstanda şifaxanä turizmı turında.

Oçraşu azağında Röstäm Miñnexanov blogerlarğa Tatarstanda yışraq bulırğa täqdim itte.

Fotosurät prav.tatarstan.ru saytınnan alındı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши