Mädäniyät, Millättäş

Simferopol'da Bötenqırım Saban tuyı uzdırıldı

Bäyrämne Tatarstan Respublikasınıñ Qırım Respublikasındağı häm Sevastopol'dağı Daimi wäkillege oyıştırğan

 (Simferopol', 4 iyün, «Tatar-inform», Daniä Tämayeva). Bügen Simferopol' parklarınıñ berse "Salgirqa"da Bötenqırım Saban tuyı uzdırıldı.

Biredä irtük köy-moñnar yañğırap, cirle eşquarlarnıñ qul eşlänmäläre, suvenirlar tezelgän säwdä çatırları eşläde. Toqmaç, çäk-çäk, göbädiä, öçpoçmaq häm tatarlarnıñ başqa peşkän rizıqların täqdim itkän Qazan aş-su ostaları säwdä urını tiräsendä ayıruça canlanu küzätelde.

Säğät 10da bäyrämne sälämläw süze belän Tatarstan Respublikası Däwlät Sovetınıñ zakonlılıq häm xoquq tärtibe räise Rafil Nagumanov açıp, Tatarstan Prezidentı Röstäm Miñnexanovnıñ möräcäğät xatın uqıdı, şulay uq Tatarstan parlamentı Räise Färit Möxämmätşin sälämläwen citkerde.

Qırım Republikası Däwlät Sovetı Räise urınbasarı Remzi İläsov isä Tatarstan citäkçelegenä Qırım öçen yaña bulğan bäyräm - Saban tuyın ütkärü başlanğıçı häm anı oyıştıruda zur köç kertkängä räxmät belderep, andıy çaranıñ tuğandaş ike törki xalıq - Qazan häm Qırım tatarların ğına tügel, küp millätle respublikalarda ğömer itüçe barlıq xalıqlarnı berläşterüdäge rolen bilgeläp ütte.

Qırımnıñ tanılğan "Säyär" ansamble citäkçese,TRnıñ häm QRnıñ atqazanğan artistı Serwer Qaqurağa, şulay uq ansambl'neñ Tatarstan başqalasında yazğı gastrol'läre barışında çığışları Qazan tamaşaçısına ayıruça tä'sir itkän berniçä artistına TRnıñ räxmät xatların, istälek büläklären tapşıru yöklämäsen TR Prezidentı yärdämçese Rawil Moratov ütäde.

RF Prezidentınıñ Qırımdağı Daimi wäkileneñ milli mäs'älälär buyınça urınbasarı İskändär Bilalov, QR Ministrlar Sovetınıñ deportatsiälängännär eşläre häm millätara mönäsäbätlär buyınça komitetı räise Zawr Smirnov, Bötendönya tatar kongressı Başqarma komitetı räise Rinat Zakirov häm başqa räsmi zatlar bu çaranı ike respublika arasında eşlekle xezmättäşlekne nığıtuda möhimlegenä, gumanitar ölkädä törle yaqlı bağlanışlarnı üsterüdä ähämiätenä iğtibarnı yünältep çığış yasadılar.

Bıyılğı Bötenqırım Saban tuyı tatamida, uyın mäydançıqlarında däwam itterelde, Qırım belän Tatarstan säxnä ostalarınıñ zur kontsertı belän tämam buldı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши