Mädäniyät

İldar Xalikov Älmättä Saban tuyın bäyräm itüdä qatnaştı

Biredä «Tuğan awılım» mädäni-etnografik ekspozitsiälär häm awıl xucalığı texnikası kürgäzmäse dä buldı

 (Qazan, 5 iyün, "Tatar-inform"). Bügen Tatarstan Respublikası Premyer-ministrı İldar Xalikov Älmät şähärendä Saban tuyın bäyräm itüdä qatnaştı.

Bäyrämneñ şäräfle qunaqları RF Däwlät Duması deputatı Rinat Xäyrov, Eşquarlar xoquqların yaqlaw buyınça TR Prezidentı qarşındağı wäqälätle wäkil Timur Nogumanov, «Tatneft» ğawami aktsionerlar cämğiäte general' direktorı Nail Mağanov, neft sänäğäte mäs'äläläre buyınça TR Prezidentı kiñäşçese Şäfäğät Täxautdinov, respublika ministrlıqları häm vedomstvoları wäkilläre buldı.

Saban tuyı tantanasın Älmät munitsipal' rayonı başlığı Ayrat Xäyrullin açıp: "Cir häm anda eşläwçe keşelär – bezneñ töp baylığıbız", - dide ul.

Respublika citäkçelege isemennän bäyräm qunaqların TR Premyer-ministrı İldar Xalikov qotladı. Ul bäyrämneñ ähämiäten häm keşelär arasındağı mäşhürlegen bilgeläp ütte. Annarı ul Tatarstan Respublikası Prezidentı Röstäm Miñnexanov isemennän qotlaw süzlären uqıp çıqtı. Üz isemennän İldar Xalikov bolay dide: "Rayonnıñ awıl xucalığı xezmätçännärenä ğorurlanırlıq närsälär bar. Min çın küñelemnän Saban tuyı bäyräme mäydanınıñ märxämät köçe sezgä közen äybät uñış alu öçen olı mömkinlek birüen telim", - dide.

Annarı Tatarstan Respublikası Premyer-ministrı İldar Xalikov häm Älmät munitsipal' rayonı başlığı Ayrat Xäyrullin awıl xucalığında qazanışlarğa ireşkän xezmätkärlärgä diplomnar häm büläklär tapşırdı.

Räsmi öleş tämamlanğannan soñ, qunaqlar «Tuğan awılım» mädäni-etnografik ekspozitsiälär häm awıl xucalığı texnikası kürgäzmäse belän tanıştılar, ĞTO normaları tapşıru mäydançığında, "Älmät velosiped saylıy" fotozonasında buldılar. Älmätlelär bıyıl da qunaqçıllığın üzgä itep kürsättelär: 350 kg awırlıqtağı häm 3 m bieklektäge neft suırtqıç caylanma räweşendä bawrsaq ide ul. «Almetyevskxleb» CÇC belgeçläre süzlärençä, qarqasın 6 kön cıyğannar, bawrsaqnı 3 täwlek formalaştırğannar. Neft başqalasında 40 meñläp keşe qatnaşqanlığı bilgele.

Bäyräm programmasınıñ qulminatsiäse at çabışları häm tatarça milli köräş buldı.

Älmät munitsipal' rayonı başlığı matbuğat xezmäte şul xaqta xäbär tarattı.

Foto vk. com sotsial' çeltärennän alındı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши