Cämğiät

Däwlät tellären belü häm alarnı döres qullanu teläsä qaysı belemle keşe öçen mäcbüri - Färit Möxämmätşin

Tatarstan Respublikası Däwlät Sovetı Räise, Rus tele köne uñayınnan, tatarstanlılarğa möräcäğät itä

 (Qazan, 6 iyün, "Tatar-inform"). Tatarstan Respublikası Däwlät Sovetı Räise Färit Xäyrulla ulı Möxämmätşin Rus tele köne belän qotlıy.

"Xörmätle watandaşlar! Sezne Rus tele köne belän qotlıym.

Küp millätle ilebezdä bez anı 6 iyündä – böyek şağir, xäzerge ädäbi rus telenä nigez saluçı A.S. Puşkinnıñ tuğan könendä bilgeläp ütäbez.

Tel ul – borınğı babalarıbızdan qalğan häm kiläçäk buınnarğa küçä torğan zur miras. Rossiä Federatsiäse – tellär häm mädäniätlär törlelege belän ğasırlar däwamında tözelgän küp millätle häm küp konfessiäle däwlät. Bügen, säyäsi qarşılıqlar zamanında, bezgä rossiälelärneñ, ilebezdä yäşäwçe xalıqlarnıñ ruxi berdämlegen saqlap qalırğa kiräk. Rus teleneñ bu ölkädä däwlät tele häm xalıqara aralaşu çarası bularaq ähämiäte ğäyät zur.

Ğasırlar buyı buınnar arasın totaştıruçı, mädäniätlärne üzara bayıtuçı rus tele normaların saqlaw häm kamilläşterü mäs'äläläre il citäkçelegeneñ häm kiñ cämäğätçelekneñ härwaqıt iğtibar üzägendä tora. Rossiä Federatsiäse Prezidentı V.V. Putin Rus tele cämğiäte syezdında yasağan çığışında “Rossiäneñ ädäbi mirası häm üzeneñ yañğıraşı, küpqırlılığı belän unikal' bulğan rus tele – bezneñ milli xäzinäbez, bez anıñ belän xaqlı räweştä ğorurlanabız häm bez anı saqlarğa tieşbez, dip assızıqladı. Töp burıçıbız – ilebezneñ berdäm mädäni-ädäbi kiñlegen alğa taba tağın da nığıtu, gumanitar belem birüneñ iñ yaxşı traditsiälären üsterü häm taratu, ğasırlardan kilgän ruxi häm tarixi qimmätlärne kire qaytaru.

Süzgä häm anıñ yañğıraşına ixtiramlı häm saqçıl mönäsäbät sabıy çaqtan uq tärbiälänergä tieş dip sanıym. “Sälämät” tel moxite öçen härqaysıbız cawaplı. Ser tügel, tel moxite aktiv üseş ala, ädäbi normalar belän bergä, telgä könküreştäge törle ğibarälär, bixisap alınma süzlär ütep kerä. Minemçä, bez söyläm telendä tupaslıqqa häm ädäpsezlekkä yul quymasqa tieş. Däwlät tellären belü häm alarnı döres qullanu teläsä qaysı belemle keşe öçen mäcbüri häm ul – barlıq millät wäkillärenä dä üsü, ruxi bayu, hönäri uñışqa ireşü öçen östämä mömkinlek çığanağı.

Xörmätle tatarstanlılar! Respublikabız 170tän artıq millät wäkile öçen tuğan yortqa äwerelde. Bez törlelär, läkin şulay da, Rus tele könendä härqaysıbız üzen küp millätle berdäm Rossiä xalqınıñ ber öleşe itep toya. Küp telle Watanıbıznıñ barlıq grajdannarı öçen Rus tele köne ruxilıq, tınıçlıq häm tatulıq bäyräme bulsın! Barığızğa da isänlek-sawlıq häm uñışlar telim", - dielä TR parlamentı citäkçese F.X.Möxämmätşin möräcäğätendä.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши