Millättäş

Belgiädä tatarlar Saban tuyın bäyräm itte

Biregä törle şähärlärdän häm kürşe illärdän keşelär cıyıldı, qaysıları öçen ul yäşlegenä qaytu kebek buldı

 
(Qazan, 6 iyün, «Tatar-inform»). Kiçä Brüssel qalası çitendä traditsion Saban tuyı uzdırıldı. Biregä törle şähärlärdän häm kürşe illärdän keşelär cıyıldı, qaysıları öçen ul yäşlegenä qaytu kebek buldı, milli mädäniätkä çumuğa säbäp ide. Keçe watannan çittä ğömer itüçelär öçen tansıq ruxı waqiğa turında “Belgiädäge tatarlar” cämğiäte xäbär itä.

Belgiädäge tatarlar berlege räise urınbasarı Regina Wälieva xalıq aldında TR Prezidentı sälämläwen uqıdı. Tatar mädäniäte ölkäsendäge eşçänleklärendä aktivlıq öçen törkemneñ eşlekle äğzaları Adäm Kärimov belän irle-xatınlı Färidä häm Rawil Qähirovlarğa TR Mädäniät ministrlığı Räxmät xatları tapşırıldı.

Saban tuyında milli uyınnar, yarışlar – küzlärne qaplap çülmäk watu, qapçıq kiep yögerü, şulay uq yomırqa quyılğan qaşıq sabın awızğa qabıp uzışu, arqan tartışu h.b.ş. qızıqlı çaralar dönya mäşäqätlären onıttırıp tordı. Tatar milli täm-tomnarınnan biredä öçpoçmaq, pärämäç, çäk-çäk quyılğan ide, xätta kümerdä eşli torğan zur ğına Tula samovarı da bar ide.

Saban tuyında iñ istä qalğanı Qazan artistları – TRnıñ xalıq artistı İlsur Safin, cırçı Sömbel Bilalova häm “Säydäş” biü teatrı çığışları buldı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши