Räsmi xäbärlär, Mädäniyät

Röstäm Miñnexanov Aleksandr Puşkin häykäle qarşına çäçäk kärcine quydı

Qazanda M.Cälil isemendäge Tatar däwlät opera häm balet akademiä teatrı yanındağı Aleksandr Puşkin häykäle qarşında tantanalı miting uzdı

 
(Qazan, 6 iyün, "Tatar-inform", Gölnar Ğärifullina). Bügen M. Cälil isemendäge Tatar däwlät opera häm balet akademiä teatrı yanındağı Aleksandr Puşkin häykäle qarşında rus xalqınıñ böyek şağire tuuına 217 yıl tuluğa häm Rus tele könenä bağışlanğan şiğriät bäyräme uzdı. Anda mäktäp uquçıları, şağirlär Puşkin şiğerlären uqıdı.

Puşkinnı iskä alu tantanasında Tatarstan Respublikası Prezidentı Röstäm Miñnexanov, TR Däwlät Kiñäşçese Mintimer Şäymiev, TR Däwlät Sovetı Räise Färit Möxämmätşin, TR Premyer-ministrı urınbasarı Wasıyl Şäyxraziev, TR mädäniät ministrı Ayrat Sibağatullin, respublika parlamentınıñ mäğärif, mädäniät, fän häm milli mäs'älälär komitetı räise Razil Wäliev häm başqa räsmi zatlar qatnaştı.

"Krasnaya ğorqa" fol'klor kollektivı başqaruında "Zemläniçenqa-yağodqa" rus xalıq cırı yañğırağannan soñ, iñ berençe bulıp, häykälgä çäçäk kärcinen Röstäm Miñnexanov häm Mintimer Şäymiev quydı. Annan soñ alarğa başqa räsmi zatlar häm mitingta qatnaşuçılar quşıldı. Tantanağa kilüçelär arasında Aleksandr Puşkinnıñ tuğanı baron Aleksandr fon Ğrevenits ta bar ide. Ul Qazanda mondıy çarada berençe tapqır qatnaşa. Anıñ iñ yaratqan şiğere - Puşkinnıñ "Moy portret"ı. Bu minutlarda TR Prezidentınıñ Rus milli-mädäni berläşmäse aktivı belän oçraşuı bara. Annan soñ Cälil isemendäge teatrda Rus tele könenä häm böyek şağir Puşkinnı iskä aluğa bağışlanğan tantana bula.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши