Cämğiät

Bügen «Tatar-inform» mäğlümat agentlığınıñ tuğan köne

Agentlıq QPSS Tatar ölkä komitetı bürosı qararı belän, 1990 nçı yılnıñ 6 nçı iyünendä oyışqan

 
(Qazan, 6 iyün, “Tatar-inform”). Bügen “Tatar-inform” mäğlümat agentlığına - 26 yıl.

Bıyıl agentlıq belän “Qazan'” PSO matbuğat xezmäteneñ elekkege citäkçese, 2013-2015 yıllarda “Efir-Çallı” telekompaniäse başqaruçı direktorı bulğan Şamil Sadıyqov citäkçelek itä başladı. Aña qädär mäğlümat agentlığın 10 yıldan artıq Leonid Tolçinskiy citäkçelek itte. Xäzer ul QFU Yuğarı jurnalistika häm mediakommunikatsiälär mäktäbe direktorı bulıp eşli.

Agentlıq isä QPSS Tatar ölkä komitetı bürosı qararı belän, 1990 nçı yılnıñ 6 nçı iyünendä oyışqan. Dokumentqa QPSS ölkä komitetı sekretare Mintimer Şäymiev imzasın quyğan.

“Tatar-inform” MA – äydäp baruçı mäğlümat agentlığı, 26 yıl eçendä Tatarstan häm İdel buyınıñ ere ğammäwi mäğlümat çarası bularaq abruy qazanğan. Gäyät zur eş täcribäse, jurnalistlarnıñ professional'lege, Kaliningradtan alıp Vladiwostoqqa qädär şäxsi korrespondentlar çeltäre – bolar barısı da “Tatar-inform”ğa Tatarstan, Rossiä häm dönya turında iñ tulı häm xaqıyqıy mäğlümat çığanağı bularaq ışanğan kiñküläm auditoriä yawlarğa mömkinlek birde.

Kön sayın, täwlegenä 24 säğät, “Tatar-inform” rus telendä 250, tatar telendä 40lap (şul isäptän Yıraq çit illärdä yäşäwçe tatarlar öçen latinitsada) häm ingliz telendä 20-30 yañalıq urnaştıra.

Ay däwamında, tulayım alğanda, agentlıqnıñ 1 mln-ğa yaqın yazması uqıla.

“Tatar-inform” bazasında TRda tiñdäşe bulmağan zamança cihazlandırılğan häm matbuğat üzäge buldırılğan.

2015 nçe yılda, şulay uq, rus telle bitenä sotsial' çeltärlärneñ yañalıqlar tasması bulğan unikal' “Sotsial' xab” proyektı ğämälgä kertelde.

Monnan tış, mäğlümat agentlığı yılnıñ iñ möhim waqiğaları buyınça maxsus proyektlar alıp bara.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши