Räsmi xäbärlär

TR Prezidentı fosfororganiq quşılmalar ximiäse ölkäsendä Xalıqara Arbuzov premiäsen tapşırdı

Qıtaynıñ ike ere universitetı professorı Yüfen Jao 2015 yılnıñ nominantı buldı

 
(Qazan, 6 iyün, «Tatar-inform», Arseniy Mawrin). Tatarstan Respublikası Prezidentı Röstäm Miñnexanov fosfororganiq quşılmalar ximiäse ölkäsendä Xalıqara Arbuzov premiäsen tapşırdı. Märtäbäle fänni büläklärneñ berse fosfor ximiäse buyınça 21st International Conference on Phosphorus Chemistry (ICPC 2016) XXI xalıqara konferentsiäneñ räsmi açılu tantanasında tapşırıldı.

İskärtep ütik: 5-10 iyündä dönyanıñ 32 ilennän 350dän artıq äydäp baruçı ğalim organiq ximiäne üsterüneñ teoretik häm praktik yünäleşlärendä eşläyäçäk. Konferentsiädä qatnaşuçılarnı Tatarstan Prezidentı Röstäm Miñnexanov, konferentsiäne oyıştıru komitetı räise, Rossiä Fännär akademiäseneñ Qazan fänni üzäge A.Yı.Arbuzov isemendäge Organiq häm fizik ximiä institutı direktorı, RFA akademiğı Oleğ Sinäşin häm ximiä fännäre doktorı, RFA möxbir-äğzası Nikolay Nifantyev sälämläde.

“Bu premiäne tapşıru, dönya däräcäsendäge fänni üzäk bularaq, Tatarstan Respublikasınıñ yuğarı statusın raslıy”, - dip bilgeläp ütte Röstäm Miñnexanov häm, 20 yılğa yaqın premiä böten dönya ximikları öçen märtäbäle büläk bulıp tora, dip östäde.

2015 yıl näticäläre buyınça fosfororganiq quşılmalar ximiäse ölkäsendä Xalıqara Arbuzov premiäse TR Prezidentı ukazı belän Qıtaynıñ Pekin häm Sämın şähärläre ike ere universitetı professorı Yüfen Jao xanımğa tapşırıldı. Ul fosfororganiq ximiä häm biorganiq ximiä, meditsina ximiäse, ximik biologiä häm Cirdä tormış barlıqqa kilü turındağı fännär ölkäsendä dönya belgeçe.

“Bu premiäne alu minem öçen - zur ğorurlıq. Min Qazanda berençe tapqır. Şähärneñ maturlığı tañ qaldırdı, ämma Tatarstanda fän üseşe häm respublika citäkçelegeneñ aña mönäsäbäten kürep tağın da soqlandım”, - dip bilgeläp ütte Yüfen Jao.

Ğalimä süzlärençä, Qıtayda professor Arbuzov yaxşı bilgele. “Profil vuzlarda ğına tügel, mäktäplärdä dä. Ul – böyek ğalim, fängä zur öleş kertkän keşe”, - dide Qıtaynıñ ike ere universitetı professorı Yüfen Jao.
Fotosurät prav.tatarstan.ru saytınnan alındı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши