Awil xucaliği

Respublikada 106 meñ tonna senaj häm 17 meñ tonna peçän äzerlängän, yağni barlığı 1 şartlı terlek başına 0,7 ts azıq berämlege

Tatarstan Respublikası Awıl xucalığı häm azıq-tölek ministrlığı başlığı rayonnardağı wäzğiät turında mäğlümat birde

 (Qazan, 6 iyün, “Tatar-inform”). Tatarstan Respublikasında çäçüleklär 2895 meñ ğa bulırğa tieş, bu san Rossiä Awıl xucalığı ministrlığı belän kileşüdä terkälgän. Bu xaqta bügen Tatarstan Respublikası Xökümäte yortında uzğan respublika kiñäşmäsendä Tatarstan Respublikası Premyer-ministrı urınbasarı-Tatarstan Respublikası awıl xucalığı häm azıq-tölek ministrı Marat Äxmätov xäbär itte.
Kiñäşmäne barlıq munitsipal' rayonnar belän videokonferentselemtä rejimında Tatarstan Respublikası Prezidentı Röstäm Miñnexanov uzdırdı. Anda şulay uq Tatarstan Respublikası Premyer-ministrı İldar Xalikov ta qatnaştı.
Marat Äxmätov rayonnar başlıqların bu mäs'älädä tärtip urnaştırırğa öndäde.
Tatarstan Respublikası Awıl xucalığı häm azıq-tölek ministrlığı başlığı rayonnardağı wäzğiät turında mäğlümat birde. Älmät, Möslim, Çirmeşän, Piträç, Täteş, Qama Tamağı, Älki, Mendeleyevsk rayonnarı normadan çittä ikän.
Tufraqnı dım belän tä'min itügä kilgändä, Marat Äxmätov bilgeläp ütkänçä, kötelgän yañğırlar yawmıy äle, qayber rayonnarda yañğırlar bulğan, tulayım respublika buyınça dımğa moxtaclıq bar.
Marat Äxmätov fikerençä, dım citmägändä su sibüneñ barlıq texnik mömkinlekläre qullanılırğa tieş. Barlığı respublikada 323 su sibü maşinası bar, şulardan 95ı - äylänä buyınça sibä, 228yı - baraban tibında.
Monnan tış, ul xäbär itkänçä, basularda respublikada citeşterelgän berençe su sibü ağreğatı («Qazanqa») eşli, anıñ 70%ı Rossiä komplektlawçılarınnan tora (Tatarstan predpriätielärennän - 59%ı).
Terlek azığı äzerläw buyınça respublika buyınça senaj 106 meñ tonna äzerlängän, peçän – 17 meñ tonna, yağni barlığı 1 şartlı terlek başına 0,7 ts azıq berämlege. Zäy rayonınıñ kürsätkeçe iñ şäp, anda 11,4 meñ tonna senaj häm 1,4 meñ tonna peçän äzerlängän. Annarı – Aqtanış, Ätnä, Älki, Alekseyıvsk, Yäşel Üzän, Yuğarı Oslan, Quqmara, Mamadış rayonnarı.
Rayonnar başlıqlarına möräcäğät itep, Marat Äxmätov urınnarda eşne tieşençä oyıştırırğa öndäde, här xucalıq häm rayon citäkçese üz aldına plannarnı ütäw burıçın quyarğa tieş.
TR Prezidentı matbuğat xezmäte şul xaqta xäbär itä.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши