Mädäniyät, Millättäş

Razil Wäliev: “Rus häm dönya ädäbiätendä da Puşkin ayırım ber urınnı biläp tora”

Deputat, çittän kilgän keşe rus telen tirännän üzläşterä, dip sanıy

 
(Qazan, 6 iyün, “Tatar-inform”, Gölnar Ğärifullina). İcatınıñ kiñ qolaçlılığı, tiränlege yağınnan Aleksandr Puşkinğa tiñ şağirlär yuq – TR Däwlät Sovetı deputatı, mäğärif, mädäniät, fän häm milli mäs'älälär komitetı räise, tatar yazuçısı häm şağire Razil Wäliev änä şul fikerdä. Bügen ul “Tatar-inform” mäğlümat agentlığı xäbärçesenä Puşkinnıñ rus häm dönya ädäbiätendä ayırım ber urınnı biläp toruın assızıqladı.

“Min keçkenä waqıtta mäktäptä uqığanda, Puşkinnı da, Tolstoynı da, Maksim Gor'kiynı da tatarça uqıp üstem. Çönki ul waqıtta, 30-40-50 nçı yıllarda, rus ädäbiäten, şul isäptän Puşkinnı bik küp tärcemä itkännär ide. Ul tärcemä şulqädär kamil ide ki, Nuri Arslanov, Äxmät Fäyzineñ tärcemäläre bügenge köndä dä yuğarı däräcädä sanala”, - dip fikeren urtaqlaştı Razil Wäliev.

Deputat bilgeläp ütkänçä, Puşkinnıñ tatar qälämdäşlärenä dä tä'sire zur bulğan. “Tuqay äytä bit, Puşkin ilä Lermontovtan ürnäk alam, äkren-äkren yuğarığa ürläp baram, dip. Tuqaynıñ Puşkinnan tärcemäläre iskitkeç küp, ğomumän, ul Puşkinnı bik östen zat itep kürgän, annan bik küp närsägä öyrängän”, - dip belderde Razil Wäliev.

İcatınıñ kiñ qolaçlılığı, tiränlege yağınnan Razil Wäliev Puşkinnı tiñdäşsez şağir dip atadı. “Rus häm dönya ädäbiätendä da Puşkin ayırım ber urınnı biläp tora”, - dide.

Razil Wäliev fikerençä, rus teleneñ böten neçkäleklären toyıp, osta qäläm belän yazğan keşelärneñ kübese – başqa millät keşeläre. Ul Derjawin, Kuprin, Qaramzin kebeklärne misalğa kiterde. Bella Axmadullinanıñ rus telenä moğciza diärlek kertkän yazuçı buluın äytte. Bezneñ tatarlardan Röstäm Qutuynıñ rus tele neçkäleklären bik tirännän belüen assızıqladı. “Yağni çittän kilgän keşe rus telen nığraq üzläşterä dip äytäsem kilä. Puşkin üze dä bit Afrikadan küçep kilgän qäwemneñ ber wäkile, berençe şiğerlären frantsuz telendä yazğan bulğan. Ämma soñraq ul rus telen şulqädär nıq itep küñelenä señdergän, bu inde çit millät keşeläreneñ rus telenä mönäsäbäte turında söyli. Tatarlar da rus telenä bik tä iğtibarlı. Xätta tatarlarnıñ rus telendä aktsent belän söyläşüen dä kimçelek itep qabul itälär, gärçä qawqaz millätläre wäkilläreneñ rusça söylämendä dä aktsent zur”, - dip bilgeläp ütte Razil Wäliev.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши