Iqtisad

Röstäm Miñnexanov TR Ğarantiä fondında eşquarlar tarafınnan kürsätelä torğan xezmätlär belän tanıştı

2012 yıldan bügenge köngä qädär fond barlığı 332 poruçitellek birgän

 
(Qazan, 7 iyün, «Tatar-inform», Nadejda Ğordeyeva). Tatarstan Respublikası Prezidentı Röstäm Miñnexanov kiçä “TR Ğarantiä fondı» kommertsiäçel bulmağan oyışmasında buldı. Oyışma TR İqtisad ministrlığı binasında (Qazan) urnaşqan.

Tatarstan Prezidentı fondnıñ funktsional' mömkinlekläre belän tanıştı, xezmätlär spektrı belän tanıştı.

Jurnalistlarğa TR iqtisad ministrı Artem Zdunov xäbär itkänçä, eşmäkärlär yış qına üz biznesın närsädän başlarğa ikänen belmilär – mäsälän, nindi salım rejimın saylarğa, däwlät yärdämeneñ nindi räweşen alırğa, reklama qayda urnaştırırğa.

Ministr fikerençä, TR Ğarantiä fondı yärdäme belän keçe häm urta biznes belän şöğellänergä teläwçelär sanı artaçaq.

Üz çiratında «TR Ğarantiä fondı» QBO direktorı Sergey Bolotayev assızıqlağança, fondta Tatarstan Respublikası İqtisad ministrlığı tarafınnan ğämälgä aşırıla torğan barlıq däwlät yärdäme törläre tuplanğan.

Sergey Bolotayev süzlärençä, 2015 yılda TR Ğarantiä fondı 140 poruçitellek birgän. Kreditlar summası 1,4 mlrd sum täşkil itkän.

2012 yıldan bügenge köngä qädär fond barlığı 332 poruçitellek birgän. Summası – 1 mlrd 292,7 mln sum; poruçitellek belän tä'min itelgän kreditlar summası – 4 mlrd 245,9 mln sum.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши