Iqtisad

Tatarstanda keçe häm urta predpriätielärneñ 81 protsentı eksportqa eşlärgä cıyınmıy

Tatarstannıñ bıyıl tışqı tawar äyläneşe 11 mlrd 500 mln sumnan artıq

 (Qazan, 7 iyün, «Tatar-inform», Arseniy Mawrin). 2015 yılda Tatarstanda eksportqa barlığı 450 kompaniä häm predpriätie genä eşli. 50qa yaqınınıñ ğına äyläneşe million dollardan artıp kitkän. Küp eşquarlar üz täqdimnäre belän ğlobal' bazarğa çığarğa qurqa. Küptän tügel uzdırılğan soraşıp beleşülär näticäse nigezendä respublikanıñ keçe häm urta kompaniäläreneñ 81 protsentı eksportqa eşlärgä cıyınmıy. Kiçä bu kürsätkeçlär Tatarstan Respublikası Xökümäte yortında Tatarstan Respublikası Prezidentı Röstäm Miñnexanov räislegendä uzdırılğan Tatarstan Respublikası İqtisadi sovetı utırışında xäbär itelde.

Utırışta şulay uq Tatarstan Respublikası Premyer-ministrı İldar Xalikov, İqtisadi sovet äğzaları, Tatarstan Respublikası Xökümäte äğzaları, eksportqa yünäleşle Tatarstan predpriätieläre häm oyışmaları citäkçeläre qatnaştı.

Tatarstannıñ bıyıl tışqı tawar äyläneşe 11 mlrd 500 mln sumnan artıq, dip belderde Tatarstan Respublikası Premyer-ministrı urınbasarı – Tatarstan Respublikası sänäğät häm säwdä ministrı Albert Kärimov. Sintetik qawçuq, neft häm neft produktları, yök avtomobilläre cibärü, şulay uq başqa yünäleşlär buyınça Tatarstanda beraz üseş tä bar.

«Tatarstannıñ ğlobal' faktorlarğa: bötendönya iqtisadı aqrınayuğa häm iqtisadi aktivlıq küçeşenä yoğıntı yasarğa mömkinlege yuq», - dip belderde dokladçı. Ä menä ul eçke Rossiä faktorlarına yoğıntı yasıy ala. Süz xezmät xaqına häm energiä resurslarına yoğıntı yasaw mömkinlege turında bara.

Tatarstan häm Rossiä tawarlarınıñ çit illär bazarlarına ekspansiäse maksimal' däräcädä näticäle bulsın öçen kiñ külämle däwlät yärdäme kiräk – federal' däräcädä dä, şulay uq cirle däräcädä dä.

Citeşterüçelärneñ üzlärenä dä yärdäm kiräk: eksportqa orientatsiä, dokumentlarnı räsmiläşterü, metodik rekomendatsiälär, çit illär kontragentların tikşerü mömkinlege häm Tatarstan produktsiäsen alırğa teläwçelär belän bağlanışlar urnaştıru buyınça konsultatsiälär, dip belderde dokladçı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши