Iqtisad

«Tatneft» neft zapasların arttırğan

Kompaniä neft tabışın arttıraçaq häm awır çığarıla torğan neft buyınça eşlärne däwam itäçäk

 (Qazan, 7 iyün, «Tatar-inform», Änwär Malikov). «Tatneft», Miller & Lents bäysez auditor kompaniäse näticäse buyınça, 2015 yılda zapasların 869,8 mln tonnağa qädär arttırğan. Bu xaqta neft kompaniäse aktsionerlarınıñ yıllıq xisap cıyılışında bäyän itelgän. 2015 yıl başında zapas 851,5 mln tonna bulğan. Şulay itep, üseş 2,1 protsenttan artıq täşkil itkän.
Neft tabışınıñ ağımdağı däräcäsendä zapas belän tä'min iteleşe 32 yıl täşkil itä, bu xisapta “ozaq waqıtlı häm totrıqlı üseş öçen ışanıçlı potentsial” dip belderelgän. Uzğan yıl isbatlanğan zapaslar ütäleşe qoeffitsientı 166 protsent täşkil itkän.
Xisapta 2016 yılğa häm yaqındağı yıllarğa töp strategik burıçlar bäyän itelgän. Alar arasında Tatarstanda neft tabışın yaña texnika häm texnologiälär isäbenä arttıru bar. Şulay uq yuğarı üzle neft tabışın 2 mln tonnağa citkerü dä östenlekle, dip belderelgän. Slanets nefte tabışı buyınça täcribä-sänäğät eşe däwam ittereläçäk.
Kompaniä operatsion häm investitsion çığımnarnı kimetep, neft tabışınıñ rentabellegen arttırunı tä'min itüne planlaştıra.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши