Räsmi xäbärlär

Tatarstanda malein angidrid citeşterü buyınça Rossiädä berdänber zavod barlıqqa kilergä mömkin

Tatarstanda citeşterü yegärlekläre lokalizatsiäse Germaniä öçen aktual', dip bilgeläp ütte Taliä Miñnullina

 (Qazan, 7 iyün, «Tatar-inform», Nadejda Ğordeyeva). TR Prezidentı Röstäm Miñnexanov citäkçelegendäge Tatarstan delegatsiäseneñ Germaniägä säfäre näticäläre buyınça investitsion proyektlar eşlängän. Bu xaqta bügen TR Ministrlar Kabinetında brifingta TR İnvestitsion üseş agentlığı citäkçese Taliä Miñnullina xäbär itte.
İskärtep ütik, Tatarstan delegatsiäseneñ Germaniägä säfäre 1-3 iyündä buldı.
T.Miñnullina söyläwençä, 2015 yılda Rossiägä Germaniädän 1,4 mlrd dollar investitsiä kergän. “Älegä Tatarstan ğomumrossiä külämendä bez telägän zur öleşne bilämi. Ämma Germaniä investorları bezneñ respublikada eşli, üseş aluçı kompaniälär bar”, - dide ul.
Ğurmaniä belän investitsion yünäleştä eşläwgä kilgändä, TR İnvestitsion üseş agentlığı citäkçese bilgeläp ütkänçä, Tatarstan öçen transportta texnologiälär, injinirinğ üzäklär däräcäsendä eş, biomeditsina, respublika territoriäsendä urtaq yuğarı texnologiäle sänäğät proizvodstvoları qızıqsındıru tudıra.
“Bez xezmättäşlekneñ nigeze bulaçaq yünäleşlär buyınça fiker alıştıq, alar arasında – maşina tözeleşe, stanoq tözeleşe, neft ximiäse, plastik produktsiä, meditsina texnikası häm biotexnologiälär citeşterü. Mäğlümati kommunikatsion texnologiälär ölkäsendä proyektlar turında söyläştek, ämma bu ölkädä kileşü yuq. Awıl xucalığı häm azıq sänäğäte mäs'äläsendä üzara qızıqsınu bar. Bu bigräk fänni institutlarğa, eşlänmälärgä qağıla. Professional' belem birü, kvalifikatsiä kütärü qızıqlı”, - dide spiker jurnalistlarğa.
“Bügen ğämäldä bulğan sanktsiälär Germaniä produktsiäsen Rossiä bazarında satuğa tiskäre yoğıntı yasıy. Şuña kürä bu şartlarda Germaniä xezmättäşlärebez yuğaltular kiçerä. Tatarstanda citeşterü yegärleklären lokal'läşterü Germaniä öçen aktual', rubl' deval'watsiäsen isäpkä alsaq, iqtisadi yaqtan otışlı da”, - dide ul.
T.Miñnullina süzlärençä, xäzergä “yazışu buyınça fiker alışası investitsion proyektlar eşlänä”.
“Bez stanoq häm maşina tözeleşe ölkäsendä yuğarı texnologiäle injinirinğ kompaniäsendä buldıq. Alarnıñ iyülgä cawap vizitı planlaştırılğan, citeşterü mäydançıqların saylaw öçen delegatsiä kötäbez. Alar proizvodstvolarnı lokal'läşterügä ömetlänä”, - dip assızıqladı ul.
Spiker süzlärençä, ikençe urtaq proyekt malein angidrid (yılına 45 meñ tonna) citeşterü buyınça zavod tözeleşe bulırğa mömkin. “Ul plenqalar, sintetik süs, yuu çaraları, farmatsevtika preparatları h.b. citeşterüdä qullanıla. Bügengä Rossiädä andıy zavod yuq, ä produktsiägä ixtıyac zur. Proyekt 120 mln yevro täşkil itä. Bu mäs'älä buyınça tarmaq predpriätieläre, neft ximiäse predpriätieläre belän eşlärgä kiräk”, - dide ul.
TR İnvestitsion üseş agentlığı citäkçese, yaqın arada Tatarstan Saqsoniä eşşlekle dairäläre wäkilläre delegatsiäsen qabul itärgä planlaştıra, dip belderde.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши