Räsmi xäbärlär

TR Prezidentına Layış rayonında toraq kompleksı tözü proyektın täqdim ittelär

Tözüçe kompaniä xäbärenä qarağanda, proyektta yaña alım qullanılğan, Yevropa täcribäsenä östenlek birü niätlänä

 
(Qazan, 7 iyün, «Tatar-inform»). Tatarstan Prezidentı Röstäm Miñnexanovka bügen «Maxaon üzäne» toraq kompleksı tözü proyektın täqdim ittelär. Prezentatsiä TR Xökümäte yortında utırışlar zalında uzdı.

Proyektnı täqdim itüçe kompaniä tözeleş ölkäsendä uñışlı täcribägä iä. Xäzer respublika territoriäsendä öç ere proyekt çınğa aşırıla, ber proyekt – Mäskäw ölkäsendä.

«Maxaon üzäne» – TR Layış rayonı Keçe Qaban awılı territoriäsendä zamança qorılma proyektı. Cir uçastoğınıñ ğomumi mäydanı – 180 ğa, uçastok «Aq Bars Kapital» idäräçe kompaniä milke bulıp tora.

Kompaniä wäkilläre beldergänçä, proyektta yaña alım qullanılğan, Yevropa täcribäsenä östenlek birü niätlänä. Proyektqa arxitektura häm urbanistika ölkäsendä ekspertlar cälep itelgän, yabıq konkursta 23 arxitektura bürosı qatnaşqan. Üz portfolioların şäxsän täqdim itü öçen Qazanğa iñ köçle 11 komanda kilgän. Niderlandtan Levs Architecten bürosı qızıqlı tözeleş kontseptsiäsen täqdim itkän.

Prezentatsiädä TR Tözeleş, arxitektura häm TQX ministrlığı, TR Cir häm milek mönäsäbätläre ministrlığı, «Tatinvestgrajdanproyekt» DUP, TR Baş investitsion tözeleş idäräse, TR Däwlät toraq fondı, «Aq Bars Kapital» İK häm başqa oyışmalar qatnaştı, dip xäbär itä TR Prezidentı matbuğat xezmäte.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши