Cämğiät

İnnopolista “Sänäği Rossiäneñ tsifrlı industriäse” konferentsiäse açıldı

İldar Xalikov, templarnı saqlağan oçraqta, radioelektronika tarmağı yuğaltqan pozitsiälärne qaytarıp bulaçağına ışanuın belderde

 (İnnopolis, 7 iyün, «Tatar-inform», Alsu Safina). İnnopolista “Sänäği Rossiäneñ tsifrlı industriäse” konferentsiäse açıldı.
Açılış tantanasında TR Premyer-ministrı İldar Xalikov, İnnopolis merı Yegor İvanov, “Rostex” däwlät korporatsiäneñ kommunikatsiälär häm strategik tikşerenülär buyınça direktorı Vasiliy Brovqo, «Roselektronika» general' direktorı İgor' Kozlov h.b. qatnaştı.
Plenar utırış başlanğançı Rossiä tsifrlı industriäse mäğlümatları belderelde. Ber yılda radioelektron sänäğät predpriätieläreneñ tabışı 30 protsentqa qädär artqan. Rossiä radioelektronika bazarı küläme 3 trn sum çaması täşkil itkän, ul könküreş elektronikasın, qurqınıçsızlıq sistemasın, telekom häm meditsinanı da qolaçlıy. Uzğan yıl bu bazarnıñ barlıq segmentları üseşe 2-15 protsent täşkil itkän.
TR Premyer-ministrı İldar Xalikov konferentsiädä qatnaşuçılarnı sälämläde häm «Rostex» däwlät korporatsiäse initsiativası belän çınğa aşırıla torğan proyektnıñ däwamlı buluı öçen şatlanuın äytte.
“Mondıy oçraşular daimi bulaçağına ışanam. Bügen Sänäği Rossiäneñ tsifrlı industriäse - ul yaña brend, - dip bilgeläp ütte ul. - «Rostex» däwlät korporatsiäse törle tarmaq kompaniälären berläşterergä täqdim itte”.
«Prezentatsiä tä'sirle buldı. Näticälär uñay. Elektroniqäda 1-2 yılda alğarışqa ireşü qatlawlı. Bez uñışlı eşläp kiläbez. Ägär bu templarnı saqlasaq, Sovetlar Soyuzı häm Rossiä pozitsiäsen qaytara alabız”, - dip bilgeläp ütte İ.Xalikov.
TR Premyer-ministrı, näq menä Qazan universitetında paramağnit rezonansı açıluğa iğtibarnı yünältte häm başqa küp kenä eşlänmälär yasalğan.
Xalikov çarada qatnaşçılarğa näticäle eş, kiläçäktä bu mäydançıqnı tağın da näticäleräk itü öçen täqdimnär häm tänqit teläde.
Konferentsiä açılğaç “Köndäşlelekkä sälätlelek. Sänäğät üseşe faktorı bularaq elektronika” temasına plenar utırış uzdı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши