Cämğiät

İldar Xalikov: “Sänäği Rossiä tsifrlı industriäse” uñışlı buldı”

TR Premyer-ministrı yıl sayın ütkärelä torğan konferentsiälär arasında başqa tematik mäydançıqlar da formalaştıru planlaştırıla, dip söyläde

 (İnnopolis, 7 iyün, «Tatar-inform», Alsu Safina). Sänäği Rossiä tsifrlı industriäse” uñışlı buldı, dip belderä Tatarstan Premyer-ministrı İldar Xalikov. Bu xaqta ul jurnalistlarğa “Sänäği Rossiä tsifrlı industriäse” konferentsiäseneñ plenar utırışı tämamlanğaç xäbär itte.
“Berençe xis-kiçereşlär uñay. Proyekt uñışlı buldı. İkençe yıl rättän biredä IT-texnologiälär ölkäse genä tügel, ä radioelektronika belgeçläre dä cıyıla. Bügen biredä Rostex predpriätielärennän tış, başqalar da bar, şuña kürä proyekt uñışlı buldı, - dide İ.Xalikov. – Proyektnıñ kiläçäktä üseş perspektivaları bar”.
TR Premyer-ministrı yıl sayın ütkärelä torğan konferentsiälär arasında başqa tematik mäydançıqlar da formalaştıru planlaştırıla, dip söyläde. “Plenar utırışta birelgän sorawlar da andıy ixtıyac buluın dälilli”, - dip assızıqladı ul.
Anıñ süzlärençä bu proyekt Tatarstan öçen ayıruça möhim. Respublikada sänäğät predpriätieläre küp. Töbäk IT-ölkäsendä lider bulırğa omtıla. “Däwlät xezmätläre, elektron dokument äyläneşe kebek ölkälärdä uñışqa ireştek”, - dip bilgeläp ütte TR Xökümäte citäkçese.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши