Iqtisad

Germaniä biznesın Tatarstannıñ İran belän elemtäläre qızıqsındıra

“Töbäkara xezmättäşlek iqtisadi elemtälärne üsterü öçen bik faydalı”, - dip sanıy TR Säwdä-sänäğät palatası idäräse räise

 (Qazan, 7 iyün, «Tatar-inform», Nadejda Ğordeyeva). Germaniä kompaniäläre Tatarstannıñ neft ximiäse klasterı belän qızıqsındı. Bu xaqta bügen TR Ministrlar Kabinetında Tatarstan Prezidentı Röstäm Miñnexanov citäkçelegendäge TR delegatsiäseneñ Germaniägä eş säfärenä näticä yasawğa bağışlanğan brifingta TR Säwdä-sänäğät palatası idäräse räise Şamil Agiev xäbär itte.

Spiker süzlärençä, töbäklärdäge Germaniä biznesı Rossiä belän xezmättäşlek itägä äzer, ämma “üzäk federal' xökümät bezneñ il belän mönäsäbätlärne totqarlıy”.
“Töbäkara xezmättäşlek iqtisadi elemtälärne üsterü öçen bik faydalı”, - dide Ş.Agiev häm Tatarstan belän Germaniä zur turistlıq potentsialına iä, dip östäde.
Şulay uq ul, Germaniä biznesın Rossiä belän Tatarstannıñ elemtäläre, ayırım alğanda, İran belän elemtäläre qızıqsındıra, dip bilgeläp ütte ul. “Alar säwdäne üsterü öçen bezneñ aşa İran bazarına çığu yulın ezlilär”, - dip sanıy TR Säwdä-sänäğät palatası idäräse räise.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши