Cämğiät

İstanbulda teraqt, 11 keşe ülgän

İstanbul gubernatorı xäbär itüençä, wafat buluçılarnıñ cidese – politseyskiy

 
(Qazan, 7 iyün, "Tatar-inform"). Bügen irtänge säğät 8.40 ta İstanbulnıñ Weznedjiler rayonında teraqtta 11 keşe ülgän. Alarnıñ 7 se – politseyskiy. Bu xaqta Törkiäneñ “Anadolu” MA xäbär itä.
İstanbulnıñ gubernatorı Vasil Şaxin äytüençä, politseyskiylar utırıp barğan avtobusqa şartlatqıç quyılğan avtomobil kilep bärelgän. 36 keşe yaralanğan. Şularnıñ öçese awır xäldä.
İstanbulnıñ gubernatorı teraqt bulğan urınğa kilgän, häläk buluçılarnıñ tuğannarınıñ häm yaqınnarınıñ qayğıların urtaqlaşqan.
“Xäzerge waqıtta tikşerü eşläre bara. Yaña mäğlümat bulu belän cämäğätçelekkä xäbär itep torırbız”, - digän Vasil Şaxin.
İstanbulda gid bulıp eşläwçe tatar qızı Yüliä Strunenkova äytüençä, teraqt näticäsendä şähärdä zur “böke”lär xasil bulğan. Facigädän soñ, aña da, anıñ belän bulğan İspaniä turistlarına da tuğannarı, tanışları şaltırata başlağan. “Sırxawxänälärgä ağılğan keşelärne dä kürdem, böten cirdä politsiä”, - dide Yüliä.

(Yüliä Strunenkova fotosı)

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши